Texts

Help

Select a text:
Bibliography
Select a chapter:
 (no revisions)
Associated topic(s): Viṣṇu, Vishnuism, pūjā

Show parallels  Show headlines
Use dependency labeler
Chapter id: 8165
  • Click on a sentence to show its analysis
  • Keep the mouse pointer over a lemma to show its meanings.
hariruvāca / (1.1) Par.?
bhūmiṣṭhe maṇḍape snātvā maṇḍale viṣṇumarcayet / (1.2) Par.?
pañcaraṅgikacūrṇena vajranābhaṃ tu maṇḍalam // (1.3) Par.?
ṣoḍaśaiḥ koṣṭhakaistatra saṃmitaṃ rudra kārayet / (2.1) Par.?
caturthapañcakoṇeṣu sūtrapātaṃ tu kārayet // (2.2) Par.?
koṇasūtrādubhayataḥ koṇā ye tatra saṃsthitāḥ / (3.1) Par.?
teṣu caiva prakurvīta sūtrapātaṃ vicakṣaṇaḥ // (3.2) Par.?
tadanantarakoṇeṣu evameva hi kārayet / (4.1) Par.?
prathamā nābhiruddiṣṭā madhye rekhāprasaṃgame // (4.2) Par.?
antareṣu ca sarveṣu aṣṭau caiva tu nābhayaḥ / (5.1) Par.?
pūrvamadhyamanābhibhyāmathaṃ sūtraṃ tu bhrāmayet // (5.2) Par.?
antarā sa dvijaśreṣṭhaḥ pādonaṃ bhrāmayeddhara / (6.1) Par.?
anena nābhisūtrasya karṇikāṃ bhrāmayecchiva // (6.2) Par.?
karṇikāyā dvibhāgena kesarāṇi vicakṣaṇaḥ / (7.1) Par.?
tadagreṇa sadā vidvāndalānyeva samālikhet // (7.2) Par.?
sarveṣu nābhikṣetraṣu mānenānena suvrata / (8.1) Par.?
padmāni tāni kurvīta deśikaḥ paramārthavit // (8.2) Par.?
ādisūtravibhāgena dvārāṇi parikalpayet / (9.1) Par.?
dvāraśobhāṃ tathā tatra tadardhena tu kalpayet // (9.2) Par.?
karṇikāṃ pītavarṇena sitaraktādikesaraiḥ / (10.1) Par.?
antaraṃ nīlavarṇena dalāni asitena ca // (10.2) Par.?
kṛṣṇavarṇena rajasā caturaśraṃ prapūrayet / (11.1) Par.?
dvārāṇi śuklavarṇena rekhāḥ pañca ca maṇḍale // (11.2) Par.?
sitā raktā tathā pītā kṛṣṇā caiva yathākramam / (12.1) Par.?
kṛtvaiva maṇḍalaṃ cādau nyāsaṃ kṛtvārcayeddharim // (12.2) Par.?
hṛnmadhye tu nyasedviṣṇuṃ kaṇṭhe saṅkarṣaṇaṃ tathā / (13.1) Par.?
pradyumnaṃ śirasi nyasya śikhāyām aniruddhakam // (13.2) Par.?
brahmāṇaṃ sarvagātreṣu karayoḥ śrīdharaṃ tathā / (14.1) Par.?
ahaṃ viṣṇuriti dhyātvā karṇikāyāṃ nyaseddharim // (14.2) Par.?
nyasetsaṅkarṣaṇaṃ pūrve pradyumnaṃ caiva dakṣiṇe / (15.1) Par.?
aniruddhaṃ paścime ca brahmāṇaṃ cottare nyaset // (15.2) Par.?
śrīdharaṃ rudrakoṇeṣu indrādīndikṣu vinyaset / (16.1) Par.?
tato 'bhyarcya ca gandhādyaiḥ prāpnuyātparamaṃ padam // (16.2) Par.?
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe viṣṇupūjopayogivajranābhamaṇḍalanirūpaṇaṃ nāmāṣṭamo 'dhyāyaḥ // (17.1) Par.?
Duration=0.1309700012207 secs.