Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 4148
  • Click on a sentence to show its analysis
  • Keep the mouse pointer over a lemma to show its meanings.
kacchapayantramāha jaletyādi // (1) Par.?
jalapūrṇapātramadhye iti jalapūrṇaṃ yatpātraṃ tasya madhye suvistīrṇaṃ sundarāyataṃ ghaṭakharparaṃ kumbhakhaṇḍaṃ dattvā tadupari kharparopari biḍamadhyagataḥ sūtaḥ sthāpyaḥ // (2) Par.?
kutra kuḍye mṛdā vinirmite viśālamukhe laghulohakaṭorikayā atilaghvī yā lohasya muṇḍādeḥ kaṭorikā pātraviśeṣaḥ tayā viḍāvṛtaṃ sūtaṃ ācchādya ā samantāt saṃrudhya // (3) Par.?
kiṃviśiṣṭayā kṛtapaṭamṛtsandhilepayā kṛtaḥ paṭamṛdbhyāṃ sandherlepo rodho yasyāḥ sā tayā // (4) Par.?
punastatkuḍyāntargataghaṭakharparaṃ aṅgāraiḥ pūrṇaṃ kiṃviśiṣṭaiḥ karīṣatuṣamiśraiḥ karīṣo gomayasya cūrṇaṃ tuṣāḥ śālyāderdhānyasya tair miśritairiti // (5) Par.?
kacchapayantre yadvihitaṃ tadāha svedanata ityādi // (6) Par.?
kacchapayantrastho raso jarati grāsaṃ iti śeṣaḥ // (7) Par.?
kutaḥ svedanataḥ vahnau paritāpataḥ // (8) Par.?
na kevalaṃ svedanato mardanataśca viḍādinā ityadhyāhāraḥ // (9) Par.?
tato 'gnibalenaiva sarvalohānāṃ svarṇādīnāṃ asminnantarāle garbhadrutirbhavati atrāgnibalameva mukhyaṃ // (10) Par.?
Duration=0.030243873596191 secs.