Texts

Select a text:
Bibliography

Select a chapter:
(no revisions)

Associated topic(s): śūlagava

Show parallels Show headlines
Use dependency labeler

Chapter id: 15778

Click on a sentence to show its analysis
Keep the mouse pointer over a lemma to show its meanings.

athāparāṇi dvārapopaspṛśa dvārapāya svāhā dvārapy upaspṛśa dvārapyai svāheti catvāri // (1) Par.?

atha parṇapuṭaṃ kṛtvā tasminn upastīrṇābhighāritam odanapiṇḍaṃ samavadāya parogoṣṭhe vṛkṣa āsajati niṣaṅgiṇa upaspṛśata niṣaṅgibhyaḥ svāheti // (2) Par.?

athopatiṣṭhate namo niṣaṅgiṇa iṣudhimata iti // (3) Par.?

apratīkṣam etyāthānvāsāribhyo juhoty anvāsāriṇa upaspṛśatānvāsāribhyaḥ svāheti dve palāśe // (4) Par.?

athopatiṣṭhate namas te rudra manyava ity etair ekādaśabhir anuvākaiḥ prathamottamābhyāṃ vā // (5) Par.?

abhita etam agniṃ gā sthāpayati yathā dhūmam ājighreyur iti // (6) Par.?

ājyaśeṣam odanaśeṣam udakumbhaśeṣam ity ekadhā samavanīyodumbaraśākhayā pradakṣiṇaṃ gās triḥ prokṣati śivaṃ gobhyaḥ śivaṃ gopataya iti // (7) Par.?

ṛṣabhasya pṛṣṭhe śeṣaṃ ninayaty etaṃ yuvānam ity etābhiḥ pañcabhiḥ // (8) Par.?

athātaḥ kṣaitrapatyasya gavāṃ mārge 'nagnau kṣetrasya patiṃ yajate kṣetrasya pataye svāheti caturṣu saptasu vā palāśeṣu // (9) Par.?

taṃ tathāvāhayati yathā śūlagavam // (10) Par.?

tūrṇaṃ yajate // (11) Par.?

pāko devaḥ // (12) Par.?

upatiṣṭhate kṣetrasya patinā vayam iti dvābhyām // (13) Par.?

athainaṃ kṣaitrapatyaṃ ye sanābhayo bhavanti te prāśnanti yathā vaiṣāṃ kuladharmo bhavati // (14) Par.?

Duration=0.063673973083496 secs.