Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 552

Click on a sentence to show its analysis
Keep the mouse pointer over a lemma to show its meanings.

rudro devatāsyā iti raudrī saṃhitā ṛgyajuḥsāmalakṣaṇe cātharvaṇe ca vede 'sti / (1.1) Par.?

yajurvede hi rudraikādaśinī saṃhitā śrūyate yasyāṃ bhagavanto rudrāḥ sarvābhipretasādhakāḥ paṭhyante / (1.2) Par.?

ṛgvede 'pi / (1.3) Par.?

tryambakaṃ yajāmahe // (1.4) Par.?

imā rudrāya tavase kapardine // (2) Par.?

imā rudrāya sthiradhanvane giraḥ // (3) Par.?

ityādikā ṛgvidhānāmnātās tattadviśiṣṭavidhānaphalā vidyanta eva / (4.1) Par.?

sāmavede 'py asti / (4.2) Par.?

śrūyate hi sāmnāṃ vidhāne / (4.3) Par.?

ā vo rājā tad vo varga ājyadohāni devavratāni caiṣā raudrī nāma saṃhitaitāṃ prayuñjāno rudraṃ prīṇāti // (4.4) Par.?

iti / (5.1) Par.?

evam ātharvaṇe 'pi rudrārādhanavidhayaḥ tanmantrasaṃhitāś ca sambhavanti // (5.2) Par.?

na ca kevalaṃ saṃhitāmātram evāsti // (6) Par.?

tatra tatra rudra eva devatā vācyarūpatayā śrūyate yam uddiśya / (7.1) Par.?

eṣa te rudra bhāgaḥ saha svasrāmbikayā taṃ juṣasva svāhā / (7.2) Par.?

iti śrutiḥ // (7.3) Par.?

na caitāvat yāvatkālpika iti kalpo vedāṅgaṃ tadukto vidhiḥ bhagavataḥ sāṃnidhyakalpanāya śrūyate // (8) Par.?

tathā hi kāṭhake sūtrapariśiṣṭīye rudrakalpe / (9.1) Par.?

triṣavaṇam udakopasparśanam ity uktvoktaṃ darbheṣv āsīno darbhamuṣṭiṃ dhārayamāṇo rakṣobhyo 'py avijñeyo bhavati śākayāvakapayobhaikṣabhakṣaḥ ṣaḍbhir māsaiḥ pratyakṣībhavantaṃ bhagavantaṃ paśyati / (9.2) Par.?

iti // (9.3) Par.?

evaṃ ca śraddadhānamanasāṃ jaiminīyacchāyāśrayiṇām api codanāpradarśito 'yam astīva prasiddhaḥ panthāḥ kiṃ punaḥ parameśvaraprakāśanavihatamahāmohatimiratayā vispaṣṭadṛṣṭīnām anyeṣām // (10) Par.?

Duration=0.10416316986084 secs.