Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 153
  • Click on a sentence to show its analysis
  • Keep the mouse pointer over a lemma to show its meanings.
yadi pramāṇam asatyarūpaṃ paramārthataḥ paramātmana eva satyatvāt tathāvidhena pramāṇenaitat pramīyamāṇaṃ manor nimitena pradīpena san tamasāvasthitapadārthapravivecanaprāyam // (1.1) Par.?
atha satyam eva pramāṇam evaṃ tarhi sa paramātmā prameyatvena sthitaḥ // (2.1) Par.?
pramāṇaṃ hi prameyaṃ paricchindat pramāṇatām āsādayati itarathā pramāṇataivāsya na syāt // (3.1) Par.?
kiṃca ataḥ // (4.1) Par.?
kim anyad yatraitad dvitayaṃ pramāṇaprameyalakṣaṇaṃ tatra pramātṛpramityātmakam anyad api dvayam anyonyasattvavyapekṣatvāt sthitam eva // (5.1) Par.?
na hi pramātāraṃ kartāram antareṇa pramāṇaprameyayoḥ kvacit kiṃcitkaratvaṃ karaṇakarmaṇoḥ kriyāsiddhau kartrāśrayatvāt // (6.1) Par.?
pramitir api kriyārūpo vyāpāras tebhyaḥ pṛthag evānvayavyatirekābhyām upalabhyata iti catuṣṭayam avaśyaṃbhāvi // (7.1) Par.?
yad āha ākṣapādaḥ / (8.1) Par.?
catasṛṣu caivaṃvidhāsu sarvo 'pi vyavahāraḥ parisamāpyata iti // (8.2) Par.?
kiṃ cāta ity ata āha // (9) Par.?
Duration=0.044180154800415 secs.