Texts

bhānoḥ saṃbandhīni dīdhitīnāṃ daśa śatāni sahasramiti yāvat // (1) Par.?

yuṣmākaṃ śivaṃ bhadraṃ dadhatu puṣṇantu kurvantu vā // (2) Par.?

anekārthatvāddhātūnāmiti // (3) Par.?

kiṃbhūtānītyāha yāni ekaṃ jyotirekaṃ tejaḥ pradhānamālokakāraṇam // (4) Par.?

punarapi kīdṛśāni // (5) Par.?

dṛśau dve cakṣuṣī dve // (6) Par.?

trijagati trailokye gaditāni kathitāni // (7) Par.?

kaiḥ // (8) Par.?

abjajāsyaiḥ kamalayonivadanaiḥ // (9) Par.?

kiyadbhiḥ // (10) Par.?

caturbhiścatuḥsaṃkhyopetaiḥ // (11) Par.?

bhūtānāṃ pṛthivyādīnāṃ pañcamam // (12) Par.?

pañcānāṃ bhūtānāṃ tejasi sati pañca saṃkhyā sampadyate // (13) Par.?

tathā ṛtuṣu vasantādiṣu ṣaṭsvalam atyarthaṃ nānāvidhānyuccāvacaprakārāṇi // (14) Par.?

tīvramandādibhedena bhidyamānatvāt // (15) Par.?

punarapi kiṃbhūtāni // (16) Par.?

saptatridaśamuninutāni tridaśamunayo devarṣayo'triprabhṛtayaḥ sapta ca te tridaśamunayaśca tairnutāni // (17) Par.?

bhūyo'pi kiṃbhūtāni // (18) Par.?

aṣṭadigbhāñji aṣṭāśāśritāni // (19) Par.?

pūrvāhṇe dinamukhe navatvaṃ pratyagratvaṃ yānti bhajante // (20) Par.?

pūrvaṃ jyotistvenaikatvam // (21) Par.?

punardṛktvena dvitvam // (22) Par.?

bhuvanatvena tritvam // (23) Par.?

caturṣu brahmavaktreṣu catuḥsaṃkhyātvam // (24) Par.?

pṛthivyādirūpatayā pañcadhā // (25) Par.?

vasantādisaṃkhyāyāḥ ṣaṭtvam // (26) Par.?

atriprabhṛtibhiḥ saptatvam // (27) Par.?

tīvramandādibhedena nānātvam // (28) Par.?

aṣṭadigbhāktvenāṣṭatvam // (29) Par.?

āśrayabhedādbhedaḥ // (30) Par.?

pūrvāhṇe navatvamiti śabdasāmyānnavatvaṃ navasaṃkhyāyogitā pradarśiteti // (31) Par.?