Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5931

Click on a sentence to show its analysis
Keep the mouse pointer over a lemma to show its meanings.

yathā kasyacid vairāgyam asti na tattvajñānaṃ tasmād ajñānapūrvād vairāgyāt prakṛtilayo mṛto 'ṣṭāsu prakṛtiṣu pradhānabuddhyahaṃkāratanmātreṣu līyate na mokṣaḥ // (1) Par.?

tato bhūyo 'pi saṃsarati // (2) Par.?

tathā yo 'yaṃ rājaso rāgaḥ // (3) Par.?

yajāmi dakṣiṇāṃ dadāmi yenāmuṣmiṃlloke 'tra yad divyaṃ mānuṣaṃ sukham anubhavāmi // (4) Par.?

etasmād rājasād rāgāt saṃsāro bhavati // (5) Par.?

tathaiśvaryād avighātaḥ // (6) Par.?

etad aiśvaryam aṣṭaguṇam aṇimādiyuktam // (7) Par.?

tasmād aiśvaryanimittād avighāto naimittiko bhavati brāhmādiṣu sthāneṣvaiśvaryaṃ na vihanyate // (8) Par.?

kiṃcānyad viparyayād viparyāsaḥ // (9) Par.?

tasyāvighātasya viparyāso vighāto bhavati // (10) Par.?

anaiśvaryāt sarvatra vihanyate // (11) Par.?

eṣa nimittaiḥ saha naimittikaḥ ṣoḍaśavidho vyākhyātaḥ // (12) Par.?

sa kimātmaka ityāha // (13) Par.?

Duration=0.038971900939941 secs.