Texts

samāmnāyaḥ samāmnātaḥ // (1) Par.?

sa vyākhyātavyaḥ // (2) Par.?

tam imam samāmnāyaṃ nighaṇṭava ityācakṣate // (3) Par.?

nighaṇṭavaḥ kasmāt // (4) Par.?

nigamā ime bhavanti // (5) Par.?

chandobhyaḥ samāhṛtya samāhṛtya samāmnātāḥ // (6) Par.?

te nigantava eva santo nigamanān nighaṇṭava ucyanta ityaupamanyavaḥ // (7) Par.?

api vā hananād eva syuḥ // (8) Par.?

samāhatā bhavanti // (9) Par.?

yad vā samāhṛtā bhavanti // (10) Par.?

tad yāni catvāri padajātāni nāmākhyāte copasarganipātāśca tānīmāni bhavanti // (11) Par.?

tatraitan nāmākhyātayor lakṣaṇaṃ pradiśanti // (12) Par.?

bhāvapradhānam ākhyātam // (13) Par.?

sattvapradhānāni nāmāni // (14) Par.?

tad yatrobhe bhāvapradhāne bhavataḥ pūrvāparībhūtaṃ bhāvam ākhyātenācaṣṭe // (15) Par.?

vrajati pacatīti // (16) Par.?

upakramaprabhṛtyapavargaparyantaṃ mūrtaṃ sattvabhūtaṃ sattvanāmabhiḥ // (17) Par.?

vrajyā paktir iti // (18) Par.?

ada iti sattvānām upadeśaḥ // (19) Par.?

gaur aśvaḥ puruṣo hastīti // (20) Par.?

bhavatīti bhāvasya // (21) Par.?

āste śete vrajati tiṣṭhatīti // (22) Par.?

indriyanityaṃ vacanam audumbarāyaṇaḥ // (23) Par.?