Texts

atha nipātā uccāvaceṣvartheṣu nipatanti // (1) Par.?

apyupamārthe // (2) Par.?

api karmopasaṃgrahārthe // (3) Par.?

api padapūraṇāḥ // (4) Par.?

teṣām ete catvāra upamārthe bhavanti // (5) Par.?

iveti bhāṣāyāṃ ca // (6) Par.?

anvadhyāyaṃ ca // (7) Par.?

agnir iva / (8.1) Par.?

indra iva / (8.2) Par.?

iti // (8.3) Par.?

neti pratiṣedhārthīyo bhāṣāyām // (9) Par.?

ubhayam anvadhyāyam // (10) Par.?

nendraṃ devam amaṃsata // (11) Par.?

iti pratiṣedhārthīyaḥ // (12) Par.?

purastād upācāras tasya yat pratiṣedhati // (13) Par.?

durmadāso na surāyām / (14.1) Par.?

ityupamārthīyaḥ // (14.2) Par.?

upariṣṭād upācārastasya yenopamimīte // (15) Par.?

cid ityeṣo 'nekakarmā // (16) Par.?

ācāryaś cid idaṃ brūyād // (17) Par.?

iti pūjāyām // (18) Par.?

ācāryaḥ kasmād // (19) Par.?

ācārya ācāraṃ grāhayati // (20) Par.?

ācinotyarthān // (21) Par.?

ācinoti buddhim iti vā // (22) Par.?

dadhicit // (23) Par.?

ityupamārthe // (24) Par.?

kulmāṣāṃścid āhara // (25) Par.?

ityavakutsite // (26) Par.?

kulmāṣāḥ kuleṣu sīdanti // (27) Par.?

nu ityeṣo 'nekakarmā // (28) Par.?

idaṃ nu kariṣyati // (29) Par.?

iti hetvapadeśe // (30) Par.?

kathaṃ nu kariṣyati // (31) Par.?

ityanupṛṣṭe // (32) Par.?

nanvetad akārṣīt // (33) Par.?

iti cāthāpyupamārthe bhavati // (34) Par.?

vṛkṣasya nu te puruhūta vayāḥ // (35) Par.?

vṛkṣasya iva te puruhūta śākhāḥ // (36) Par.?

vayāḥ śākhā veteḥ // (37) Par.?

vātāyanā bhavanti // (38) Par.?

śākhāḥ khaśayāḥ // (39) Par.?

śaknoter vā // (40) Par.?

atha yasyāgamād arthapṛthaktvam aha vijñāyate na tvauddeśikam iva vigraheṇa pṛthaktvāt sa karmopasaṃgrahaḥ // (41) Par.?

ceti samuccayārtha ubhābhyāṃ samprayujyate // (42) Par.?

ahaṃ ca tvaṃ ca vṛtrahan / (43) Par.?

iti // (43) Par.?

etasminn evārthe // (44.1) Par.?

devebhyaśca pitṛbhya ā / (45.1) Par.?

iti ākāraḥ // (45.2) Par.?

veti vicāraṇārthe // (46) Par.?

hantāhaṃ pṛthivīm imāṃ ni dadhānīha veha vā / (47.1) Par.?

iti // (47.2) Par.?

athāpi samuccayārthe bhavati // (48) Par.?