Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 8886
  • Click on a sentence to show its analysis
  • Keep the mouse pointer over a lemma to show its meanings.
yathetarāṇīndriyāṇi śabdādayaśca dṛśyatvān na svābhāsāni tathā mano 'pi pratyetavyam / (1.1) Par.?
na cāgnir atra dṛṣṭāntaḥ / (1.2) Par.?
na hy agnir ātmasvarūpam aprakāśaṃ prakāśayati / (1.3) Par.?
prakāśaścāyaṃ prakāśyaprakāśakasaṃyoge dṛṣṭaḥ / (1.4) Par.?
na ca svarūpamātre 'sti saṃyogaḥ / (1.5) Par.?
kiṃca svābhāsaṃ cittam ity agrāhyam eva kasyacid iti śabdārthaḥ / (1.6) Par.?
tad yathā / (1.7) Par.?
svātmapratiṣṭham ākāśaṃ na parapratiṣṭham ity arthaḥ / (1.8) Par.?
svabuddhipracārapratisaṃvedanāt sattvānāṃ pravṛttir dṛśyate / (1.9) Par.?
kruddho 'haṃ bhīto 'ham amutra me rāgo 'mutra me krodha iti / (1.10) Par.?
etat svabuddher agrahaṇe na yuktam iti // (1.11) Par.?
Duration=0.057408094406128 secs.