Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 8849
  • Click on a sentence to show its analysis
  • Keep the mouse pointer over a lemma to show its meanings.
janaka uvāca // (1.1) Par.?
tattvavijñānasandaṃśam ādāya hṛdayodarāt / (2.1) Par.?
nānāvidhaparāmarśaśalyoddhāraḥ kṛto mayā // (2.2) Par.?
kva dharmaḥ kva ca vā kāmaḥ kva cārthaḥ kva vivekitā / (3.1) Par.?
kva dvaitaṃ kva ca vādvaitaṃ svamahimni sthitasya me // (3.2) Par.?
kva bhūtaṃ kva bhaviṣyad vā vartamānam api kva vā / (4.1) Par.?
kva deśaḥ kva ca vā nityaṃ svamahimni sthitasya me // (4.2) Par.?
kva cātmā kva ca vānātmā kva śubhaṃ kvāśubhaṃ yathā / (5.1) Par.?
kva cintā kva ca vācintā svamahimni sthitasya me // (5.2) Par.?
kva svapnaḥ kva suṣuptir vā kva ca jāgaraṇaṃ tathā / (6.1) Par.?
kva turiyaṃ bhayaṃ vāpi svamahimni sthitasya me // (6.2) Par.?
kva dūraṃ kva samīpaṃ vā bāhyaṃ kvābhyantaraṃ kva vā / (7.1) Par.?
kva sthūlaṃ kva ca vā sūkṣmaṃ svamahimni sthitasya me // (7.2) Par.?
kva mṛtyurjīvitaṃ vā kva lokāḥ kvāsya kva laukikam / (8.1) Par.?
kva layaḥ kva samādhir vā svamahimni sthitasya me // (8.2) Par.?
alaṃ trivargakathayā yogasya kathayāpy alam / (9.1) Par.?
alaṃ vijñānakathayā viśrāntasya mamātmani // (9.2) Par.?
Duration=0.049926996231079 secs.