Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9064

Click on a sentence to show its analysis
Keep the mouse pointer over a lemma to show its meanings.

anyadā prabhāvatī śukaṃ papraccha / (1.1) Par.?

śukaḥ prāha gaccha devi mano yatra ramate te narāntare / (1.2) Par.?

kelikāvadyadā vetsi pativañcanamadbhutam // (1.3) Par.?

asti sābhramatyā nadyāstaṭe śaṅkhapuraṃ nāma sthānam / (2.1) Par.?

tatra ca karṣukaḥ sūrākhyo dhanī / (2.2) Par.?

tasya kelikā bhāryā paraṃ kuṭilā kulaṭā ca / (2.3) Par.?

sānyasminnadītīre siddheśvarapurasthaṃ brāhmaṇaṃ kāmayate / (2.4) Par.?

tadāsaktā ca rātrau prātiveśikādūtikāsāhāyyānnadīṃ tīrtvā tadantikaṃ prāpnoti / (2.5) Par.?

anyadā bhartrā jñātam / (2.6) Par.?

sa ca tatra gatastaccaritragaveṣaṇāya / (2.7) Par.?

yāvatsā nadītīre tatra samāgatā tayā ca tāvaddṛṣṭaḥ / (2.8) Par.?

tatastaraṇaghaṭaṃ pānīyabhṛtaṃ vidhāya prātiveśmikāgṛhamadhye bhaṭṭārikāṃ maṇḍayitvā tena payasā snāpayitvā pratyuvāca prathamasaṃketitāṃ dūtikāmuddiśya svāmini purā tvayā uktaṃ yadi tvaṃ siddheśvarīṃ na snāpayasi tataḥ pañcānāṃ dinānāṃ madhye tvadbhartṛbharaṇaṃ bhaviṣyati tato yadi tvadvacanapramāṇaṃ tadā mama patiściraṃ jīvatu / (2.9) Par.?

prātiveśmikayoktam evamastviti śrutvā patistuṣṭo bhūtvālakṣita eva jagāma / (2.10) Par.?

iti kathāṃ śrutvā prabhāvatī suptā // (2.11) Par.?

Duration=0.063544988632202 secs.