Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9599

Click on a sentence to show its analysis
Keep the mouse pointer over a lemma to show its meanings.

athāto nirbhujapravādāḥ // (1) Par.?

pṛthivyāyatanaṃ nirbhujaṃ divāyatanaṃ pratṛṇṇam antarikṣāyatanam ubhayam antareṇa // (2) Par.?

sa ya enaṃ nirbhujaṃ bruvan param upavadet // (3) Par.?

pṛthivīṃ devatām āraḥ pṛthivī tvā devatāriṣyatītyenaṃ brūyāt // (4) Par.?

atha yadi pratṛṇṇam bruvan param upavaded divaṃ devatām āro dyaus tvā devatāriṣyatītyenaṃ brūyāt // (5) Par.?

atha yadyubhayam antareṇa bruvan param upavaded antarikṣaṃ devatām āra antarikṣaṃ tvā devatāriṣyatītiyenaṃ brūyāt // (6) Par.?

yaddhi saṃdhiṃ vivartayati tan nirbhujasya rūpam // (7) Par.?

atha yacchuddhe akṣare abhivyāharati tat pratṛṇṇasyāgra u eva // (8) Par.?

ubhayam antareṇobhayaṃ vyāptaṃ bhavati // (9) Par.?

annādyakāmo nirbhujaṃ brūyāt svargakāmaḥ pratṛṇṇam ubhayakāma ubhayamantareṇa // (10) Par.?

sa ya enaṃ nirbhujaṃ bruvan param upavaded acyoṣṭhā avarābhyāṃ sthānābhyām ityenaṃ brūyāt // (11) Par.?

atha yadi pratṛṇṇam bruvan param upavaded acyoṣṭhā uttarābhyāṃ sthānābhyām ityevainaṃ brūyāt // (12) Par.?

yastvevobhayam antareṇāha tasya tasya nāstyupavādaḥ // (13) Par.?

yathā nu kathā ca bruvan vābruvan vā brūyād abhyāśam kuśalād brāhmaṇaṃ brūyād atidyumna evaṃ brāhmaṇaṃ brūyān nātidyumne ca na brāhmaṇaṃ brūyāt // (14) Par.?

namo 'stu brāhmaṇebhya iti śauravīro māṇḍūkeyaḥ // (15) Par.?

Duration=0.02924108505249 secs.