Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9619

Click on a sentence to show its analysis
Keep the mouse pointer over a lemma to show its meanings.

candramā ivādityo dṛśyate na raśmayaḥ prādurbhavanti // (1) Par.?

lohinī dyaur bhavati yathā mañjiṣṭhāḥ // (2) Par.?

vyastaḥ pāyur bhavati // (3) Par.?

saṃpareto 'syātmā na ciram iva jīviṣyatīti vidyāt // (4) Par.?

sa yat karaṇīyaṃ manyeta tat kuryāt // (5) Par.?

athāpyādarśe vodake vā jihmaśirasaṃ vāśirasaṃ vātmānaṃ paśyen na vā paśyet // (6) Par.?

tad apy evam eva vidyāt // (7) Par.?

athāpi chidrā chāyā bhavati na vā bhavati tad apy evam eva vidyāt // (8) Par.?

athāpi chidra ivādityo rathanābhir ivākhyāyet tad apy evam eva vidyāt // (9) Par.?

athāpi nīla ivāgnir dṛśyeta yathā mayūragrīvā mahāmeghe vā marīcīr iva paśyet // (10) Par.?

anabhre vā vidyutaṃ paśyet // (11) Par.?

abhra enāṃ mna paśyet tad apy evam eva vidyāt // (12) Par.?

athāpy apidhāyākṣiṇī upekṣeta tatraitad varāṭakānīva na paśyet tad apy evam eva vidyāt // (13) Par.?

athāpy apidhāya karṇā upāsīta // (14) Par.?

ya eṣo 'gner iva jvalataḥ śabdo rathasyevopabdis taṃ na yadā śṛṇuyāt tad apy evam eva vidyāt // (15) Par.?

athāpi viparyaste kanyake dṛśyete dvijihme vā na vā dṛśyete etad apy evam eva vidyāt // (16) Par.?

sa yo 'to 'śruto 'mato 'vijñāto 'dṛṣṭo 'nādiṣṭo 'ghuṣṭaḥ śrotā mantā vijñātā draṣṭādeṣṭā ghoṣṭā sarveṣāṃ bhūtānām āntaraḥ puruṣaḥ sa ma ātmeti vidyāt // (17) Par.?

sa utkrāmann evaitam aśarīraṃ prajñātmānam abhisaṃpadyate vijahātītaraṃ dauhikam // (18) Par.?

saiṣā sarvasyai vāca upaniṣat // (19) Par.?

sarvā haivemāḥ sarvasyai vāca upaniṣadaḥ // (20) Par.?

imāṃ tv evam ācakṣate // (21) Par.?

Duration=0.38825988769531 secs.