Texts

Help

Select a text:
Bibliography

Select a chapter:
(no revisions)

Associated topic(s): atirātra

Show parallels Show headlines
Use dependency labeler

Chapter id: 16135

Click on a sentence to show its analysis
Keep the mouse pointer over a lemma to show its meanings.

ayaṃ ta indra soma iti punaḥproktir ha vā eṣā haviṣaḥ // (1) Par.?

ayaṃ nu te 'paro yajña iti ha vā etad indrāya prāhuḥ // (2) Par.?

dvitīyaṃ hy etaddhaviḥ kriyate yad rātriḥ // (3) Par.?

tāsv aurdhvasadmanam // (4) Par.?

aurdhvasadmanena vai devā eṣu lokeṣūrdhvā asīdan // (5) Par.?

yad eṣu lokeṣūrdhvā asīdaṃs tad aurdhvasadmanasyaurdhvasadmanatvam // (6) Par.?

tad etat svargyaṃ sāma // (7) Par.?

ūrdhva evaitena svarge loke sīdati ya evaṃ veda // (8) Par.?

aurdhvasadmanena vai devā asurāṇāṃ suvṛktibhir iti paśūn avṛñjata nṛmādanam iti vajraṃ prāharan bhareṣv ā iti svargaṃ lokam ārohan // (9) Par.?

aurdhvasadmanenaiva dviṣato bhrātṛvyasya suvṛktibhir ity eva paśūn vṛṅkte nṛmādanam iti vajraṃ praharati bhareṣv ā iti svargaṃ lokam ārohati // (10) Par.?

tāny āhur nānopetyāni // (11) Par.?

nāneva vā ime lokā eṣāṃ lokānāṃ vidhṛtyā iti // (12) Par.?

suvṛktibhir iti vā ayaṃ loko nṛmādanam ity antarikṣaṃ bhareṣv ā ity asau // (13) Par.?

tasmān nānopetyāny eṣāṃ lokānāṃ vidhṛtyai // (14) Par.?

Duration=0.033109188079834 secs.