Texts

doṣo gāya bṛhad gāya dyumad gāyātharvaṇa / (1.1) Par.?

stuhi devaṃ savitāram // (1.2) Par.?

tam u stuhy antaḥsindhuṃ sūnuṃ satyasya yuvānam / (2.1) Par.?

adroghavācaṃ suśevam // (2.2) Par.?

sa ghā no devaḥ savitā sāviṣad vasupatir vasūni / (3.1) Par.?

ubhe suṣṭutī sugātum // (3.2) Par.?

indrāya somam ṛtvijaḥ sunotanā ca dhāvata / (4.1) Par.?

stotur yo havaṃ śṛṇavad dhavaṃ ca naḥ // (4.2) Par.?

sunotā somapāvne somam indrāya vajriṇe / (5.1) Par.?

yuvā jeteśānaḥ sa puruṣṭutaḥ // (5.2) Par.?

ā tvā viśantv indavo vayo na vṛkṣam andhasā / (6.1) Par.?

virapśin vi mṛdho jahi rakṣasvinīḥ // (6.2) Par.?

āre asāv asmad astu hetir devāso asat / (7.1) Par.?

āre martānām aśastiḥ // (7.2) Par.?

sakhaiva no rātir astu sakhendraḥ sakhā savitā / (8.1) Par.?

sakhā bhagaḥ satyadharmā no astu // (8.2) Par.?

abhi no devīr avasā mahā śarmaṇā nṛpatnīḥ / (9.1) Par.?

acchinnapatrāḥ sacantām // (9.2) Par.?

īḍe agniṃ bhavaṃ sarvaṃ rakṣa ubjad ahiṃ balāsam uta sedim ugrām / (10.1) Par.?

āre asmad adite daivyaṃ bhayaṃ suvīryaṃ marutaḥ śarma yacchata // (10.2) Par.?

īḍe dyāvāpṛthivī parvatāṁ apaḥ svaḥ sūryam urv antarikṣam / (11.1) Par.?

vanaspatīn oṣadhīr gā utarca ṛtasya naḥ patayo mṛḍayantu // (11.2) Par.?

huve viṣṇuṃ pūṣaṇaṃ brahmaṇaspatiṃ bhagaṃ nu śaṃsaṃ savitāram ūtaye / (12.1) Par.?

iha somo varuṇo vāyur agnir bhaga ugrā avase no gamantu // (12.2) Par.?

pātaṃ na indrāpūṣaṇā varuṇaḥ pāntu marutaḥ / (13.1) Par.?

apāṃ napāt sindhavaḥ sapta pātana pātu viṣṇur uta dyauḥ // (13.2) Par.?

pātāṃ no dyāvāpṛthivī abhiṣṭaye pātu grāvā pātu somo no aṃhasaḥ / (14.1) Par.?

pātu no devī suhavā sarasvatī pātv agnir ye śivā asya pāyavaḥ // (14.2) Par.?

pātāṃ no devāśvinā sudaṃsasoṣāsānaktota na uruṣyatām / (15.1) Par.?

apāṃ napād avihrutī kayasya cid divo mūrdhann adite śarma yaccha naḥ // (15.2) Par.?