Texts

saṃsam id yuvase vṛṣann agne viśvāny arya ā / (1.1) Par.?

iḍas pade sam idhyase sa no vasūny ā bhara // (1.2) Par.?

saṃ jānīdhvaṃ saṃ pṛcyadhvaṃ saṃ vo manāṃsi jānatām / (2.1) Par.?

devā bhāgaṃ yathā pūrve saṃjānānā upāsate // (2.2) Par.?

samāno mantraḥ samitiḥ samānī samānaṃ cittaṃ saha vo manāṃsi / (3.1) Par.?

samānena vo haviṣā juhomi yathā saṃmanaso 'satha // (3.2) Par.?

ut sūryo diva eti puro viśvā nijūrvan / (4.1) Par.?

ādityaḥ parvatāṁ ati viśvadṛṣṭo adṛṣṭahā // (4.2) Par.?

āyurvidaṃ vipaścitaṃ śrutāṃ kaṇvasya vīrudham / (5.1) Par.?

āhārṣaṃ viśvabheṣajīm asyādṛṣṭān ni śamaya // (5.2) Par.?

ni gāvo goṣṭhe asadan ni mṛgāso avikṣata / (6.1) Par.?

ni ketavo janānāṃ ny adṛṣṭā alipsata // (6.2) Par.?

himavataḥ pra sravatha tāḥ sindhum api gacchatha / (7.1) Par.?

āpo gha mahyaṃ tad devīr dadan hṛddyotabheṣajam // (7.2) Par.?

yad akṣībhyām ādidyota pārṣṇibhyāṃ hṛdayena ca / (8.1) Par.?

āpas tat sarvaṃ niṣ karan taṣṭā riṣṭam ivānasaḥ // (8.2) Par.?

sindhurājñīḥ sindhupatnīḥ sarvā yā nadya sthana / (9.1) Par.?

dattā nas tasya bheṣajaṃ tena vo bhunajāmahai // (9.2) Par.?

punantu mā devajanāḥ punantu manavo dhiyā / (10.1) Par.?

punantu viśvā bhūtāni pavamānaḥ punātu mā // (10.2) Par.?

punātu mā pavamānaḥ kratve dakṣāya jīvase / (11.1) Par.?

jyok ca sūryāya dṛśe // (11.2) Par.?

ubhābhyāṃ deva savitaḥ pavitreṇa savena ca / (12.1) Par.?

asmān punīhi cakṣase // (12.2) Par.?

īrṣyāyā dhrājiṃ prathamām adhamām uttamām uta / (13.1) Par.?

manyuṃ hṛdayyaṃ śokaṃ taṃ te nir mantrayāmahe // (13.2) Par.?

etad yat te hṛdi śritaṃ manaskaṃ patayiṣṇukam / (14.1) Par.?

tatas ta īrṣyāṃ muñcāmi nir ūṣmāṇaṃ dṛter iva // (14.2) Par.?

yathā bhūmir mṛtamanā mṛtān mṛtamanastarā / (15.1) Par.?

yathota mamruṣo mana everṣyor mṛtaṃ manaḥ // (15.2) Par.?