Texts

Help

Select a text:
Bibliography
Select a chapter:
 1 revision
Show parallels  Show headlines
Use dependency labeler
Chapter id: 14229
  • Click on a sentence to show its analysis
  • Keep the mouse pointer over a lemma to show its meanings.
namas te rudra manyava uto tā iṣave namaḥ / (1.1) Par.?
namas te astu dhanvane bāhubhyām uta te namaḥ // (1.2) Par.?
yā te rudra śivā tanūr aghorāpāpakāśinī / (2.1) Par.?
tayā nas tanvā śaṃtamayā giriśantābhicākaśīhi // (2.2) Par.?
yām iṣuṃ giriśanta haste bibharṣy astave / (3.1) Par.?
śivāṃ giriśa tāṃ kuru mā hiṃsīḥ puruṣaṃ jagat // (3.2) Par.?
śivena vacasā tvā giriśācchāvadāmasi / (4.1) Par.?
yathā naḥ sarvā ij janaḥ saṃgame sumanā asat // (4.2) Par.?
adhyavocad adhivaktā prathamo daivyo bhiṣak / (5.1) Par.?
ahīṃś ca sarvān jambhayant sarvāś ca yātudhānyaḥ / (5.2) Par.?
adharācīḥ parāsuva / (5.3) Par.?
asau yas tāmro aruṇa uta babhruḥ sumaṅgalaḥ / (5.4) Par.?
ye ceme abhito rudrā dikṣu śritāḥ sahasraśaḥ / (5.5) Par.?
avaiṣāṃ heḍa īmahe / (5.6) Par.?
asau yo 'vasarpati nīlagrīvo vilohitaḥ / (5.7) Par.?
utainaṃ gopā adṛśrann utainam udahāryaḥ / (5.8) Par.?
utainaṃ viśvā bhūtāni sa dṛṣṭo mṛḍayātu naḥ // (5.9) Par.?
namo nīlakapardāya sahasrākṣāya mīḍhuṣe / (6.1) Par.?
atho ye asya satvāna idaṃ tebhyo 'karaṃ namaḥ // (6.2) Par.?
namas tā āyudhāyānātatāya dhṛṣṇave / (7.1) Par.?
ubhābhyām uta te namo bāhubhyāṃ tava dhanvane // (7.2) Par.?
pramuñca dhanvanas tvam ubhayor ārtnyor jyām / (8.1) Par.?
yāś ca te hastā iṣavaḥ parā tā bhagavo vapa // (8.2) Par.?
avatatya dhanuṣ ṭvaṃ sahasrākṣa śateṣudhe / (9.1) Par.?
praśīrya śalyānāṃ mukhaṃ śivo naḥ sumanā bhava // (9.2) Par.?
vijyaṃ dhanuḥ kapardino viśalyo bāṇavaṃ uta / (10.1) Par.?
aneśann asya yā iṣava ābhūr asya niṣaṅgathiḥ // (10.2) Par.?
pari te dhanvano hetir asmān vṛṇaktu viśvataḥ / (11.1) Par.?
atho ya iṣudhis tavāre asmin nidhehi tam // (11.2) Par.?
yā te hetir mīḍhuṣṭama śivaṃ babhūva te dhanuḥ / (12.1) Par.?
tayāsmān viśvatas tvam ayakṣmayā paribhuja // (12.2) Par.?
Duration=0.076673984527588 secs.