Texts

suvāṅ nabhrāḍ aṅghāre bambhārā ity ete vai devānāṃ somarakṣayaḥ // (1) Par.?

etebhyo vā adhi chandāṃsi somam āharan // (2) Par.?

te somapīthena vyārdhyata // (3) Par.?

ta etāni dvitīyāni nāmāny adhatta maṅgalecchāyai // (4) Par.?

somapītho nā upanamād iti // (5) Par.?

tasmād ete dvināmānaḥ // (6) Par.?

te vā anvāyan // (7) Par.?

te na prāpnuvan // (8) Par.?

tasmād ete 'tihāya vaṣaṭkriyante // (9) Par.?

na hi prāpnuvan // (10) Par.?

teṣāṃ vā eṣa loko yāvad abhi nyupyate // (11) Par.?

tad yo 'vidvān ākrāmaty ārtim ārchati // (12) Par.?

atha ya evaṃ vidvān ākrāmati na sadasyām ārtim ārchati // (13) Par.?

teṣāṃ vā eṣa bhāgo yad vyāghāryante // (14) Par.?

ta evāsmai tenābhīṣṭāḥ prītā bhavanti // (15) Par.?

yajñamukhaṃ vai pavamānaḥ // (16) Par.?

yat pavamāne stute 'gnayo vihriyante // (17) Par.?

yajñamukhād evādhi vihriyante // (18) Par.?

jambho vai nāmāsura āsīt // (19) Par.?

sa yajñam agirat // (20) Par.?

sa āgnīdhraṃ na prāpnot // (21) Par.?

tam āgnīdhrāt punar vyarujat // (22) Par.?

etad vai jīvam // (23) Par.?

tasmād āgnīdhrād vihriyante // (24) Par.?

dakṣiṇato vai devān asurā yajñam ajayan // (25) Par.?

ta udañcā āgnīdhraṃ samātiṣṭhan // (26) Par.?

tam āgnīdhrāt punar abhyajayan // (27) Par.?

etad vā anabhijitam // (28) Par.?

tasmād āgnīdhrād vihriyante // (29) Par.?

etat prati vai devān asurā yajñam ajayan // (30) Par.?

ta āgnīdhrād adhi bahiṣpavamānena yajñam abhijityāgnīn ādhāya barhir astṛṇata // (31) Par.?

parājijñānā vā etat sarpanti yad bahiṣpavamānaṃ stoṣyantaḥ sarpanti // (32) Par.?

yad bahiṣpavamāne stuta āha // (33) Par.?

agnīd agnīn vihara // (34) Par.?

barhiḥ stṛṇātīti // (35) Par.?

āgnīdhrād vā etad adhi bahiṣpavamānena yajñam abhijityāgnīn ādhāya barhiḥ stṛṇate // (36) Par.?

atra vā etarhi yajño yatrāstutaṃ stotram // (37) Par.?

yatraiva yajñas tad abhiparyāvṛtya juhoti // (38) Par.?

śukravatī vai pūrve savane // (39) Par.?

aśukraṃ tṛtīyaṃ savanam // (40) Par.?

yaj jyotiṣmatīs tṛtīyasavane vyāghārayanti // (41) Par.?

tena tṛtīyasavanaṃ śukravat // (42) Par.?

saṃvatsaro vā agniṣṭomaḥ // (43) Par.?

tasya vā etās tanvo yad dhiṣṇyāḥ // (44) Par.?

tā vā asyaitat samuddharṣayitvā jyotiṣmatīḥ kṛtvāthāgniṣṭomena stuvate // (45) Par.?

saṃvatsaro vā agniṣṭomaḥ // (46) Par.?

dvādaśa māsāḥ saṃvatsaraḥ // (47) Par.?

yat prācīr āhutayo hūyante pratyañco dhiṣṇyā vyāghāryante saṃvatsarasya vidhṛtyai // (48) Par.?

ubhayato vai devān asurāḥ parīyattā āsan // (49) Par.?

purastād anye paścād anye // (50) Par.?

yat prācīr āhutayo hūyante ye purastād āsaṃs tāṃs tenāpānudanta // (51) Par.?

yat pratyañco dhiṣṇyā vyāghāryante ye paścād āsaṃs tāṃs tenāpānudanta // (52) Par.?

tad bhrātṛvyasya vā eṣa vinodaḥ // (53) Par.?

adhvaryuṇā vai yajño vidhṛtaḥ // (54) Par.?

idam iva vā etad yajñasya yad dhiṣṇyāḥ // (55) Par.?

yad adhvaryuḥ pratyaṅ dhiṣṇyān atīyāt prāṇāt saṃkarṣeta // (56) Par.?

pramāyukaḥ syāt // (57) Par.?

yady atīyād yajñaparuṣy atīyāt // (58) Par.?

aindrīm anubrūyāt // (59) Par.?

aindraṃ hi sadaḥ // (60) Par.?

svayaivainad devatayopacaraty ātmano 'hiṃsāyai // (61) Par.?

prācīnaṃ vai dhiṣṇyebhyo 'dhvaryor lokaḥ // (62) Par.?

yad adhvaryuḥ pratyaṅ dhiṣṇyān atīyād anyajanatāsya kṣetram abhyārohukā syāt // (63) Par.?

ny anya upyante nānye // (64) Par.?

tad eṣāṃ mithunaṃ prajāyai // (65) Par.?

niruktā anye 'niruktā anye // (66) Par.?

ye niruktās te 'smai lokāya // (67) Par.?

ye 'niruktās te 'muṣmai kṣayāya // (68) Par.?

yathā vā idaṃ mekhalāṃ paryasyate medhyasya cāmedhyasya ca vidhṛtyā evaṃ vā ete nyupyante yajñasya vidhṛtyai // (69) Par.?

yat prācīnaṃ dhiṣṇyebhyas tad devānām // (70) Par.?

yat pratīcīnaṃ tan manuṣyāṇām // (71) Par.?

tasmāt somaṃ pibate prāñco dhiṣṇyā nātisṛpe // (72) Par.?

janaṃ hy eti // (73) Par.?

devalokam abhyārohati // (74) Par.?

cātvālād vihriyante // (75) Par.?

eṣa vā agnīnāṃ yoniḥ // (76) Par.?

svād eva yoner vihriyante 'skannatvāya // (77) Par.?

teṣāṃ vā etad abhyavāyanaṃ codayanaṃ ca yad antarā cātvālaṃ cāgnīdhraṃ ca // (78) Par.?

etad vai yajñasya tīrtham // (79) Par.?

tasmād etena saṃcarati // (80) Par.?

tena yo 'vidvānt saṃcaraty ārtim ārchati // (81) Par.?

atha ya evaṃ vidvānt saṃcarati na sadasyām ārtim ārchati // (82) Par.?