Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 13419
  • Click on a sentence to show its analysis
  • Keep the mouse pointer over a lemma to show its meanings.
athārbhave pavamāne vācayati svaro 'si gayo 'si jagacchandāḥ / (1.1) Par.?
anu tvārabhe / (1.2) Par.?
svasti mā saṃpārayeti // (1.3) Par.?
sa yad āha svaro 'sīti somaṃ vā etad āha // (2) Par.?
eṣa ha vai sūryo bhūtvāmuṣmiṃlloke svarati // (3) Par.?
tad yat svarati tasmāt svaraḥ // (4) Par.?
tat svarasya svaratvam // (5) Par.?
sa yad āha gayo 'sīti somaṃ vā etad āha // (6) Par.?
eṣa ha vai candramā bhūtvā sarvāṃllokān gacchati // (7) Par.?
tad yad gacchati tasmād gayaḥ // (8) Par.?
tad gayasya gayatvam // (9) Par.?
sa yad āha jagacchandā anu tvārabha iti jāgatena chandasādityair devais tṛtīyasavane 'muṣmiṃlloke sūryaṃ santam anvārabhate // (10) Par.?
sa yad āha svasti mā saṃpārayeti jāgatenaiva chandasādityair devais tṛtīyasavane 'muṣmiṃlloke sūryeṇa devena svasti mā saṃpārayeti jāgatenaivainaṃ tacchandasādityair devais tṛtīyasavane 'muṣmiṃlloke sūryeṇa devena svasti sampadyate ya evaṃ veda // (11) Par.?
Duration=0.14071893692017 secs.