Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16565

Click on a sentence to show its analysis
Keep the mouse pointer over a lemma to show its meanings.

ā vo devāsa īmaha iti pūrvayā dvārā prāgvaṃśaṃ praviśyendrāgnī dyāvāpṛthivī ity apareṇāhavanīyaṃ dakṣiṇātikramya tvaṃ dīkṣāṇām adhipatir asīty āhavanīyam upopaviśati // (1.1) Par.?

eṣa evāta ūrdhvaṃ yajamānasya saṃcaro bhavati // (2.1) Par.?

atra dīkṣaṇīyām eke samāmananti // (3.1) Par.?

purastād dīkṣāhutībhyaḥ saṃbhārayajūṃṣy eke // (4.1) Par.?

yad dīkṣaṇīyāyā dhrauvam ājyaṃ tato dīkṣāhutīḥ sruveṇa catasro juhoti / (5.1) Par.?

srucā pañcamīm / (5.2) Par.?

ākūtyai prayuje 'gnaye svāhety etaiḥ pratimantram // (5.3) Par.?

dvādaśagṛhītena srucaṃ pūrayitvā viśve devasya netur iti pūrṇāhutiṃ ṣaṣṭhīm // (6.1) Par.?

yatrādhvaryur audgrahaṇāni juhoti tad yajamāno 'dhvaryum anvārabhya pañca juhoti vācā me vāg dīkṣatāṃ svāhā / (7.1) Par.?

prāṇena me prāṇo dīkṣatāṃ svāhā / (7.2) Par.?

cakṣuṣā me cakṣur dīkṣatāṃ svāhā / (7.3) Par.?

śrotreṇa me śrotraṃ dīkṣatāṃ svāhā / (7.4) Par.?

manasā me mano dīkṣatāṃ svāheti // (7.5) Par.?

adhvaryuṃ vā juhvatam anumantrayate // (8.1) Par.?

vātaṃ prāṇaṃ manasānvārabhāmahe prajāpatiṃ yo bhuvanasya gopāḥ / (9.1) Par.?

sa no mṛtyos trāyatāṃ pātv aṃhaso jyogjīvā jarām aśīmahīti pūrṇāhutiṃ hūyamānām anumantrayate // (9.2) Par.?

atra saṃbhārayajūṃṣy eke // (10.1) Par.?

kṛṣṇājinena yajamānaṃ dīkṣayati // (11.1) Par.?

dvābhyāṃ samasya dīkṣetāntarmāṃsābhyāṃ bahirlomābhyām // (12.1) Par.?

yady ekaṃ syād dakṣiṇaṃ pūrvapādaṃ pratiṣīvyet / (13.1) Par.?

antān vā // (13.2) Par.?

dve viṣūcī pratimuñceta pādaṃ vā pratiṣīvyed ity eke // (14.1) Par.?

antarvedi kṛṣṇājinaṃ prācīnagrīvam uttaralomāstṛṇāti // (15.1) Par.?

ṛksāmayoḥ śilpe stha iti śuklakṛṣṇe rājī ālabhate / (16.1) Par.?

saṃmṛśatīty eke // (16.2) Par.?

Duration=0.097805976867676 secs.