Texts

Select a text:
Bibliography

Select a chapter:
(no revisions)

Associated topic(s): kāmyeṣṭi

Show parallels Show headlines
Use dependency labeler

Chapter id: 14777

agnaye vaiśvānarāya dvādaśakapālaṃ nirvaped yo 'nannam adyād yo vā jighatset // (1) Par.?

saṃvatsaro vā agnir vaiśvānaraḥ // (2) Par.?

saṃvatsareṇaiva pūtaṃ svaditam atti // (3) Par.?

yadi jagdhvā nirvapati // (4) Par.?

saṃvatsara evāsmai jagdhaṃ svadayati // (5) Par.?

agnaye vaiśvānarāya dvādaśakapālaṃ nirvaped yas samāntam abhidruhyed yo vābhidudrukṣet // (6) Par.?

saṃvatsaro vā agnir vaiśvānaraḥ // (7) Par.?

saṃvatsarāyaiṣa samamate yas samamate // (8) Par.?

saṃvatsaram evāptvā kāmam avaruṇam abhidruhyati // (9) Par.?

agnaye vaiśvānarāya dvādaśakapālaṃ nirvaped yaḥ pratigṛhītas syāt sanikāmaḥ // (10) Par.?

saṃvatsaro vā agnir vaiśvānaraḥ // (11) Par.?

saṃvatsarāyaitaṃ pratigṛhṇanti yaṃ pratigṛhṇanti // (12) Par.?

saṃvatsaram evāptvā sātāṃ saniṃ vanute // (13) Par.?

agnaye vaiśvānarāya dvādaśakapālaṃ nirvapet saniṃ nidadhat // (14) Par.?

saṃvatsaro vā agnir vaiśvānaraḥ // (15) Par.?

saṃvatsaram eṣa prayuṅkte yo yācati // (16) Par.?

saṃvatsaram eva vimuñcati // (17) Par.?

saṃvatsaro vā etad etasmai sanoti yad vanute // (18) Par.?

tam eva bhāginaṃ karoti // (19) Par.?

yam uttamam ārjat taṃ sa rajjum apriyāya bhrātṛvyāya dadyāt // (20) Par.?

pāśena vā eṣa carati yo yācati // (21) Par.?

pāśam evāpriyāya bhrātṛvyāya pratimuñcati // (22) Par.?

agnaye vaiśvānarāya dvādaśakapālaṃ nirvaped yaḥ kāmayeta // (23) Par.?

anena rājñā vā grāmaṇyā vedaṃ sasyam ādadīyeti // (24) Par.?

saṃvatsaro vā agnir vaiśvānaraḥ // (25) Par.?

saṃvatsaro 'nnādyasya pradātā // (26) Par.?

tam eva bhāgadheyenopadhāvati // (27) Par.?

so 'smā annādyaṃ prayacchati // (28) Par.?

saṃvatsaraṃ hy annam anuprajāyate // (29) Par.?

agnaye vaiśvānarāya dvādaśakapālaṃ nirvaped vṛṣṭikāmaḥ // (30) Par.?

saṃvatsaro vā agnir vaiśvānaraḥ // (31) Par.?

eṣā saṃvatsarasya krūrā tanūr yā vaiśvānarī // (32) Par.?

tayaitad abhitapann abhiśocayaṃs tiṣṭhati bhāgadheyam icchamānaḥ // (33) Par.?

tām evāsya prīṇāti // (34) Par.?

sāsmai prītā vṛṣṭiṃ ninayati // (35) Par.?

agnaye vaiśvānarāya dvādaśakapālaṃ nirvapet saṃgrāme // (36) Par.?

saṃvatsaro vā agnir vaiśvānaraḥ // (37) Par.?

yataras saṃyattayor anāyatano bhavati parā sa jayate // (38) Par.?

saṃvatsaram evāyatanaṃ kṛtvā jayati saṃgrāmam // (39) Par.?

Duration=0.091434001922607 secs.