Texts

Help

Select a text:
Bibliography
Select a chapter:
 (no revisions)
Associated topic(s): meteor, ulkā, omina, presigns, nimittas, adbhuta, omen

Show parallels  Show headlines
Use dependency labeler
Chapter id: 17590
  • Click on a sentence to show its analysis
  • Keep the mouse pointer over a lemma to show its meanings.
etāsām indraśirasi patanaṃ nṛpater bhayam / (1.1) Par.?
devatārcāsu patane rājarāṣṭrabhayaṃ bhavet // (1.2) Par.?
puradvāre purakṣobha indrakīle janakṣayaḥ / (2.1) Par.?
brahmāyatanaghāteṣu brāhmaṇānām upadravaḥ // (2.2) Par.?
caityavṛkṣābhighāteṣu satkṛtyānāṃ mahad bhayam / (3.1) Par.?
dvāre cāyuḥkṣayaṃ vidyād gṛhe tu svāmino bhayam // (3.2) Par.?
goṣṭheṣu gomināṃ vidyāt karṣakāṇāṃ khaleṣu ca / (4.1) Par.?
gṛheṣu rājñāṃ jānīyād bheṣu tadbhaktināṃ bhayam // (4.2) Par.?
āśāgrahopaghāteṣu taddeśyānāṃ tapasvinām / (5.1) Par.?
adhomukhī nṛpaṃ hanyād brāhmaṇān ūrdhvagāminī // (5.2) Par.?
tiryaggā rājapatnīṃ ca śreṣṭhinaḥ pratilomanī / (6.1) Par.?
vaṃśagulmanibhā rāṣṭraṃ nṛpam indradhvajopamā // (6.2) Par.?
gajam indrāyudhaprakhyā puraṃ maṇḍalasaṃsthitā / (7.1) Par.?
mantriṇaś cakrasaṃsthānā chattrākārā purodhasam // (7.2) Par.?
mayūrapucchānugatā kuryād ulkā jalakṣayam / (8.1) Par.?
vilīyamānā nabhasi pibaty ulkā payodharān // (8.2) Par.?
sphuliṅgān visṛjantyo yāḥ pradhāvanti samantataḥ / (9.1) Par.?
golavac ca pradhāvanti tāsu rāṣṭrabhayaṃ bhavet // (9.2) Par.?
ulkāsaṃghaiḥ parivṛtā yāḥ patanti nabhastalāt / (10.1) Par.?
anusāriṇya ulkās tā rājarāṣṭrabhayāvahāḥ // (10.2) Par.?
pretānugatamārgāś ca varāhānugatāś ca yāḥ / (11.1) Par.?
kravyāgnivyālarūpāś ca tā janakṣayakārikāḥ // (11.2) Par.?
kṣveḍitāsphoṭitotkruṣṭā gītavāditranisvanāḥ / (12.1) Par.?
ulkāpāteṣu boddhavyā rājarāṣṭrabhayāvahāḥ // (12.2) Par.?
sasvanā dāruṇāḥ saṃdhyāvāyoś ca pratilomagāḥ / (13.1) Par.?
nabho madhyaṃ ca yā yānti yāś ca kuryur gatāgatam // (13.2) Par.?
hinasti śuklā śirasā madhyena kṣatajaprabhā / (14.1) Par.?
pārśvābhyāṃ pītakā hanti kṛṣṇolkā pucchayoginī // (14.2) Par.?
śuklā devanṛpān hanyāt kṣatriyān kṣatajaprabhā / (15.1) Par.?
pītā vaiśyopaghātāya śūdrān hanyāt sitetarā // (15.2) Par.?
patantyo nopalakṣyante karma tāsāṃ prakāśate / (16.1) Par.?
kṣitāv aśanayo yatra tatra nāsti bhayāgamaḥ // (16.2) Par.?
satārā nipatanty anyā mārutapratilomagāḥ / (17.1) Par.?
bhavanti vidyuto neṣṭā iṣṭāś ca syur ato 'nyathā // (17.2) Par.?
tārā dhiṣṇyāś ca boddhavyāś cirān mṛduphalodayāḥ / (18.1) Par.?
tāsām api ca bhūyiṣṭhaṃ patanaṃ doṣakārakam // (18.2) Par.?
yatoyato vikārāḥ syur nipatanty atimātraśaḥ / (19.1) Par.?
tatastato nṛpo yāyād daivo mārgaḥ sa ucyate // (19.2) Par.?
nimitteṣu mahāśāntim ulkāyāṃ ca viśeṣataḥ / (20.1) Par.?
kṛtvā siddhim avāpnoti ulkādoṣāc ca mucyate // (20.2) Par.?
Duration=0.19173693656921 secs.