Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): aśvamedha, hayamedha
Show parallels Show headlines
Use dependency labeler
Chapter id: 14285
- Click on a sentence to show its analysis
- Keep the mouse pointer over a lemma to show its meanings.
manur vaivasvata iti prathame // (1) Par.?
tasya manuṣyā viśas ta ima āsata iti gṛhamedhina upadiśati // (2) Par.?
ṛco vedo vedaḥ so 'yam iti sūktaṃ nigadet // (3) Par.?
yamo vaivasvata iti dvitīye // (4) Par.?
tasya pitaro viśas ta ima āsata iti sthavirān upadiśati // (5) Par.?
yajurvedo vedaḥ so 'yam iti yājuṣam anuvākaṃ nigadet // (6) Par.?
varuṇa āditya iti tṛtīye // (7) Par.?
tasya gandharvā viśas ta ima āsata iti yūnaḥ śobhanān upadiśati // (8) Par.?
atharvavedo vedaḥ so 'yam iti bheṣajaṃ nigadet // (9) Par.?
somo vaiṣṇava iti caturthe // (10) Par.?
tasyāpsaraso viśas tā imā āsata iti yuvatīḥ śobhanā upadiśati // (11) Par.?
āṅgiraso vedo vedaḥ so 'yam iti ghoraṃ nigadet // (12) Par.?
arbudaḥ kādraveya iti pañcame // (13) Par.?
tasya sarpā viśas ta ima āsata iti sarpān sarpavido vopadiśati // (14) Par.?
sarpavidyā vedaḥ so 'yam iti sarpavidyāṃ nigadet // (15) Par.?
kubero vaiśravaṇa iti ṣaṣṭhe // (16) Par.?
tasya rakṣāṃsi viśas tānīmānyāsata iti selagān pāpakṛto vopadiśati // (17) Par.?
rakṣovidyā vedaḥ so 'yam iti rakṣovidyāṃ nigadet // (18) Par.?
asito dhānvana iti saptame // (19) Par.?
tasyāsurā viśas ta ima āsata iti kusīdina upadiśati // (20) Par.?
asuravidyā vedaḥ so 'yam iti māyām kāṃcit kuryāt // (21) Par.?
matsyaḥ sāṃmada ity aṣṭame // (22) Par.?
tasyodakacarā viśas ta ima āsata iti matsyān matsyavido vopadiśati // (23) Par.?
itihāsavedo vedaḥ so 'yam itītihāsam ācakṣīta // (24) Par.?
tārkṣyo vaipaśyata iti navame // (25) Par.?
tasya vayāṃsi viśas tānīmāny āsata iti vayāṃsi brahmacāriṇo vopadiśati // (26) Par.?
purāṇavedo vedaḥ so 'yam iti purāṇam ācakṣīta // (27) Par.?
dharma indra iti daśame // (28) Par.?
tasya devā viśas ta ima āsata iti yūno 'pratigrāhakān śrotriyān upadiśati // (29) Par.?
sāmavedo vedaḥ so 'yam iti sāma gāyāt // (30) Par.?
sarvān vedān ācaṣṭe // (31) Par.?
sarveṇa sarvam āpnavānīti // (32) Par.?
tad yat punaḥ punaḥ pariplavate tasmāt pāriplavam // (33) Par.?
Duration=0.063086986541748 secs.