Texts

atha parigāṇāni // (1) Par.?

na geyāni nādhvaryuḥ saṃpreṣyati yadādhvaryuḥ saṃpreṣyati geyānīti // (2) Par.?

sve vā yajñe gāyed yaṃ vā śreyāṃsaṃ kāmayeta tasya vā // (3) Par.?

dīkṣaṇīyāyāṃ tārkṣyasāmanī gāyet // (4) Par.?

prāyaṇīyāyāṃ pravadbhārgavam // (5) Par.?

ātithyāyām auśanaṃ preṣṭhaṃ vo atithim iti // (6) Par.?

pravargye ca yathāliṅgam upatiṣṭhet // (7) Par.?

agner vrataṃ somasya vrataṃ viṣṇor vratam ity upasatsu // (8) Par.?

sadā nimīyamāne sadasā // (9) Par.?

havirdhāne havirdhānābhyām // (10) Par.?

agniṃ praṇayanti tad agner vratam // (11) Par.?

agnīṣomau praṇayanti tad agner vrataṃ somasya caiva vrataṃ tṛtīyam // (12) Par.?

pavitre rājany ānīyamāne trīṇi somasāmāni gāyet somaḥ pavata iti yāni prathamād ūrdhvam // (13) Par.?

ahar ahaḥ satre satrasyarddhi gāyet // (14) Par.?

saṃsthite 'hani paścād gārhapatyaṃ yajñasārathy ahīnaikāheṣu ca // (15) Par.?

prākśvaḥsutyāṃ paścādeva gārhapatyam agner agastyasyātrer iti rākṣoghnāni sāmāni gāyet // (16) Par.?

sarvān saṃśrāvayed yajamānān sapatnīkān // (17) Par.?

anūbandhyeṣu ca yathāliṅgam // (18) Par.?

aukṣṇorandhram ukṣaṇi // (19) Par.?

ārṣabham ṛṣabhe // (20) Par.?

vāśaṃ vaśāyām // (21) Par.?

unnate traikakubham // (22) Par.?

ājīkam aje // (23) Par.?

paya āmikṣāyām // (24) Par.?

dadhini dadhikram // (25) Par.?

madhuni madhuścyunnidhanam // (26) Par.?

ājye ghṛtaścyunnidhanam // (27) Par.?

aurṇāyavam āvike meṣe ca // (28) Par.?

athodayanīyāyām udvat // (29) Par.?

udavasanīyāyām udvaṃśīyam // (30) Par.?

sautrāmaṇyāṃ surāyāṃ sāṃśānāni sāmāni gāyet // (31) Par.?