Texts

trīṇy atigrāhyapātrāṇi prayunakti // (1) Par.?

dakṣiṇasya havirdhānasyāgreṇopastambhanam ādityasthālīṃ cādityapātraṃ ca / (2.1) Par.?

uttarasyāgreṇopastambhanam anupopte dhruvasthālīm // (2.2) Par.?

uttare 'ṃse audumbaraṃ catuḥsrakti dadhigrahapātram // (3) Par.?

madhye pariplavāṃ yathā srug adaṇḍā // (4) Par.?

yathāvakāśaṃ khādiraṃ catuḥsrakti ṣoḍaśipātraṃ yadi ṣoḍaśī bhavati // (5) Par.?

prādeśamātrāṇy ūrdhvasānūni madhye saṃnatāni vāyavyāny āsecanavanti bhavanti // (6) Par.?

yāny anādiṣṭavṛkṣāṇi yaḥ kaśca yajñiyo vṛkṣas tasya syur ity āśmarathyaḥ / (7.1) Par.?

vaikaṅkatānīty ālekhanaḥ // (7.2) Par.?

etena camasānāṃ vṛkṣaniyogo vyākhyātaḥ / (8.1) Par.?

naiyagrodhā eva syur ity aparam // (8.2) Par.?

tsarumanto 'tsarukā vā daśa camasā bhavanti // (9) Par.?

daśa camasādhvaryavaḥ // (10) Par.?

hotur brahmaṇa udgātur yajamānasya maitrāvaruṇasya brāhmaṇācchaṃsinaḥ potur neṣṭur acchāvākasyāgnīdhrasyety eteṣām ete camasāḥ / (11.1) Par.?

tān khare yathāvakāśaṃ prayunakti // (11.2) Par.?

dakṣiṇasya havirdhānasyādhastāt paścād akṣaṃ droṇakalaśaṃ sadaśāpavitraṃ prayunakti yunajmi te pṛthivīṃ jyotiṣā saheti // (12) Par.?

uttarasya nīḍa ādhavanīyaṃ yunajmi vāyum antarikṣeṇa te saheti // (13) Par.?

prauge pūtabhṛtaṃ yunajmi vācaṃ saha sūryeṇa ta iti // (14) Par.?

atraike 'dhiṣavaṇacarmaṇo grāvṇām iti prayojanaṃ samāmananti // (15) Par.?

uparam abhi saṃmukhā bhavanti // (16) Par.?