Texts

yugapatkarmasu sarveṣūdgātur dakṣiṇam anu bāhuṃ prastotā savyaṃ pratihartā // (1) Par.?

hotā prātaranuvākam anūcyābhūd uṣā iti yadā brūyād atha vedim ākrāmeyur mṛdā śithireti // (2) Par.?

bahirvedy etaj japitvā mā mā hiṃsīr ityetāvataiveti dhānañjayyaḥ // (3) Par.?

savanamukheṣu ca yajuṣā // (4) Par.?

aharahariti gautamaḥ // (5) Par.?

sakṛtkratāviti śāṇḍilyaḥ // (6) Par.?

yāvaddhākrāmeyurityeke // (7) Par.?

havirdhānaṃ praveśyamānā vasatīvarīranupraviśeyuḥ // (8) Par.?

tasya rarāṭyāmālabhya viṣṇoḥ śiraḥ // (9) Par.?

iṣa ūrja iti praviśanto 'ntareṇeṣe bāhūnavahṛtya pārṣṇīr anudyacchanto yunajmīti rājānamabhimṛśeyuryaḥ prātaḥsavanāya // (10) Par.?

avibhaktaś cet sarvam // (11) Par.?

na cet prāpnuyuḥ somaṃ deśenaiva // (12) Par.?

prastotā prathamo 'tisarpet // (13) Par.?

tata udgātā tataḥ pratihartā // (14) Par.?

dakṣiṇasya havirdhānasya paścāt savyāvṛta upaviśeyurṛtasya sadana iti // (15) Par.?

purastāccopariṣṭāccarcaḥ sarvatra japeyuryāsu kariṣyantaḥ syuḥ // (16) Par.?

atra tu bahiṣpavamānasya // (17) Par.?

abhiṣute rājanyṛtapātramasīti droṇakalaśamālabhya vānaspatya iti proheyuḥ // (18) Par.?

dakṣiṇe pāṇāvudgātā daśāpavitraṃ kurvīta // (19) Par.?

akṣaṃ cedupahanyuḥ punaḥ proheyuḥ // (20) Par.?

antareṇākṣaviṣkambhau daśāpavitraṃ droṇakalaśe prāsyed anupaghnan // (21) Par.?

saṃhitau ced ubhāv upari // (22) Par.?

sarvaṃ rathopasthamuparyuparyuttareṇa rathajaṅghāṃ rathaścet // (23) Par.?