Texts

pratyāvrajya grāvṇo yuñjyāt // (1) Par.?

pradakṣiṇam aṣṭamadeśeṣu sthavīyāṃsy abhyantarāṇi kṛtvā // (2) Par.?

tāni mukhāni // (3) Par.?

dakṣiṇārdhyapūrvārdhyaṃ prathamam // (4) Par.?

tān abhimṛśya japeyur maruta iti // (5) Par.?

ṛtasadana etaj japitvā yuktāḥ stha vahatety etāvataiveti dhānaṃjayyaḥ // (6) Par.?

paścād dakṣiṇato vā droṇakalaśam adhyūheyur idam aham imam iti // (7) Par.?

yajamānaśabdaṃ sarvatra yathārthaṃ kuryuḥ // (8) Par.?

anujapeyur anyena kṛte mantrau // (9) Par.?

brāhmaṇavihitād anyatraiṣa kalpaḥ kāmyānām // (10) Par.?

dveṣyakalpād anyatra // (11) Par.?

viparyasya tu tasmin // (12) Par.?

tūṣṇīṃ ca yojanādhyūhane // (13) Par.?

idam aham amum iti dakṣiṇāparam aṣṭamadeśaṃ nirūhet // (14) Par.?

dveṣyapriyakalpayor mantrau rājanyūhet // (15) Par.?

tasya ca viśam ādiśet // (16) Par.?

taṃ caivānnādyena // (17) Par.?

upāṃśusavano nāma grāvā pañcamas tam upariṣṭād droṇakalaśasya kuryād rāṣṭrajighāṃsuḥ pratīveśāṃ balavatīṃ viśam ādiśan // (18) Par.?

eteṣām ekaṃ kṛtvā pathyaṃ kuryād iti gautamaḥ // (19) Par.?

tam eveti dhānaṃjayyaḥ // (20) Par.?

pṛṣṭhānām ante pūrvayā dvārā niṣkramya kāmyaṃ śāṇḍilyaḥ // (21) Par.?

pavitreṇa droṇakalaśaṃ saṃmṛjyād vasavas tveti budhnaṃ rudrās tveti madhyam ādityās tveti bilam // (22) Par.?

eteṣām ekakena tris trir anusavanaṃ saṃmṛjyād iti dhānaṃjayyaḥ // (23) Par.?

sarvaiḥ sarveṣv iti śāṇḍilyaḥ // (24) Par.?

sarvair budhnaṃ sarvair madhyaṃ sarvair bilam ity eke // (25) Par.?

bilaṃ madhyaṃ budhnam ity aparam // (26) Par.?

avadhūya pavitram udagdaśam avāṅnābhi vitanuyuḥ pavitraṃ ta iti // (27) Par.?

tṛcenaike // (28) Par.?

saṃtatāyāṃ dhārāyām udgātā japet pra śukrā iti // (29) Par.?

amuṣya rājyāyeti priyaṃ rājānam ādiśet // (30) Par.?

rājño rājyāyeti vā // (31) Par.?

yajamānasya rājño rājyāyeti vā // (32) Par.?

somasya rājño rājyāyeti vā // (33) Par.?

somasyety eva brūyāt somarājāno hi brāhmaṇāḥ // (34) Par.?