Texts

stomayoge 'gniryunaktvityetasya sthāne vāyur yunaktu sūryo yunaktviti nānāsavanayoḥ // (1) Par.?

vihāraṃ dhānaṃjayyaḥ // (2) Par.?

agnestejasā bṛhaspatistveti prātaḥsavana indriyasyendriyeṇa bṛhaspatistveti mādhyaṃdine sūryasya varcaseti tṛtīyasavane // (3) Par.?

sarvair ekaikaṃ yathāmnāyaṃ śāṇḍilyaḥ // (4) Par.?

sāmne sāmne hiṃkuryuḥ // (5) Par.?

vṛṣako 'si svaro 'sīti yajamānavācane // (6) Par.?

stutvā bahiṣpavamānena prastarādubhayataścaturaṅgulaṃ paricchidya tṛṇaṃ cātvāle pravidhyedyadi stutaṃ yadi vādya suṣṭutam arvākstutaṃ yadi vātiṣṭutaṃ yattayoranyena divamāruhememamanyena jayema lokamiti // (7) Par.?

tatraivodapātraṃ ninayet samudraṃ vaḥ prahiṇomi svāṃ yonimapi gacchatāriṣṭās tanvā bhūyāsma mā parāseci no dhanamiti // (8) Par.?

bahirvedyudañco 'yuñji padānyutkrāmeyuḥ prāgdaśabhyaḥ // (9) Par.?

abhidakṣiṇam āvṛtyāvrajyāgnīdhrīyaṃ bahiṣpavamānarco 'dhīyīran // (10) Par.?

anuvyāhārṣīnmāmiti yam atiśaṅketa tasmā āgnīdhrīya āhutivarjaṃ prahared yajña śaṃ ca ta upa ca te namaśca te satyo 'si satyasaṃskṛtastasya te ya ūnaṃ yo 'kṛtaṃ yo 'tiriktamadarśaṃ tasya prāṇenāpyāyasva svāheti // (11) Par.?

na vyabhicarediti dhānaṃjayyaḥ // (12) Par.?

ahīnabahiṣpavamānaiḥ sadasi stuvīran prathamād ahno 'nyatra // (13) Par.?

ādyantayośca satreṣu // (14) Par.?

prāgdhiṣṇyaviharaṇān niṣkramya tṛṇaprāsanaprabhṛti samāpayeyuḥ // (15) Par.?

vaidatrirātre satranyāyaṃ gautamaḥ // (16) Par.?

ahīnanyāyaṃ dhānaṃjayyaḥ // (17) Par.?

mandraṃ prātaḥsavane stuvīran // (18) Par.?

uttarottaryuttarayoḥ savanayoḥ // (19) Par.?

samena vobhayoḥ // (20) Par.?

etasyāṃ velāyāṃ prāśnīyuḥ // (21) Par.?

anusavanaṃ tu satreṣu // (22) Par.?

savanamukhīyān bhakṣayitvā sanneṣu nārāśaṃseṣu // (23) Par.?