Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 16791

Click on a sentence to show its analysis
Keep the mouse pointer over a lemma to show its meanings.

vapāyāṃ hutāyāṃ dhiṣṇyān upatiṣṭheran // (1) Par.?

cātvāle tu mārjanaṃ pūrvaṃ satreṣv idam āpaḥ pravahatāvadyaṃ ca malaṃ ca yadyaccābhidudrohānṛtaṃ yacca śepe abhīruṇam āpo mā tasmādenaso duritātpāntu viśvato nir mā muñcāmi śapathān nir mā varuṇād uta nir mā yamasya ṣaḍviṃśāt sarvasmād eva kilbiṣāt sumitriyā na āpa oṣadhayaḥ santu durmitriyāstasmai santu yo 'smān dveṣṭi yaṃ ca vayaṃ dviṣmaḥ iti // (2) Par.?

samrāḍasītyāhavanīyamupasthāyodañco gatvāstāvacātvālaśāmitrān udaṅmukhās tutho nabhaḥ saṃmṛṣṭa iti // (3) Par.?

vibhur asīty āgnīdhrīyam upatiṣṭheran // (4) Par.?

tamuttareṇa saṃcaraḥ sarvatra // (5) Par.?

dakṣiṇenottarayoḥ savanayoryadā havirdhānam āhavanīyaṃ ca pṛṣṭhahomāya // (6) Par.?

pūrvasyāṃ sadaso dvāri pratyaṅmukhāstiṣṭhanto vahniriti hoturdhiṣṇyam // (7) Par.?

śvātra iti maitrāvaruṇasya // (8) Par.?

tutha uśig aṅghārir avasyur iti brāhmaṇācchaṃsiprabhṛtīnāmudañcaḥ // (9) Par.?

śundhyur iti mārjālīyaṃ tatraiva tiṣṭhantaḥ // (10) Par.?

ṛtadhāmetyaudumbarīm // (11) Par.?

samudra iti brahmaṇaḥ sadanam // (12) Par.?

uttareṇa sado gatvāntarvedi pratyaṅmukhāstiṣṭhanto 'hir iti prājahitam // (13) Par.?

aja iti gārhapatyam // (14) Par.?

sagarā iti dakṣiṇāgnerāyatanam // (15) Par.?

kavya iti dakṣiṇaṃ vedyantam // (16) Par.?

tatraiva tiṣṭhantaḥ sarvān samanvīkṣamāṇaḥ pāta meti // (17) Par.?

ekaikam upasthāyaitad brūyur iti śāṇḍilyaḥ // (18) Par.?

bahuśabdānekavat kurvantaḥ // (19) Par.?

Duration=0.068678140640259 secs.