Texts

yājamānabrahmatve ced udgātā kuryāt // (1) Par.?

āgnīdhrīyam upasthāya pūrveṇa parikrāmet // (2) Par.?

sadasānupasthāya tata evekṣamāṇaḥ pātnīśālān // (3) Par.?

itarathetarau // (4) Par.?

ṛtasya dvārau stha iti pūrvau dvārabāhū sadasaḥ saṃmṛjya dakṣiṇasya purastād udaṅmukha upaviśed iti śāṇḍilyaḥ // (5) Par.?

tasyaiva paścāt pratyaṅmukha iti dhānaṃjayyaḥ // (6) Par.?

ukte praveśanopaveśane // (7) Par.?

ṛtvikpathena gatvā samastopasthānaprabhṛti samānam // (8) Par.?

dakṣiṇārdhe tu sadasaḥ pūrvam upaveśanam // (9) Par.?

prastotuḥ pratyupaveśanaṃ brahmopaveśanena // (10) Par.?

nirastaḥ parāvasur iti dakṣiṇā tṛṇaṃ nirasyet // (11) Par.?

ā vasoḥ sadane sīdāmīty upaviśet // (12) Par.?

namaḥ sakhibhyaḥ pūrvasadbhyo namo 'parasadbhyo bhūr bhuvaḥ svar bṛhaspatibrahmāhaṃ mānuṣa om ity uktvaudumbarīṃ gatvopaviśet // (13) Par.?

anūpaviśeyātām itarau // (14) Par.?

etenānupūrvyeṇa sarvaṃ yathāsanaṃ cikīrṣet // (15) Par.?

glāyec ced adhyaudumbaryeva // (16) Par.?

sadasya evam eva dhiṣṇyān upatiṣṭhan brahmāṇam anupraviśet // (17) Par.?

brāhmaṇācchaṃsinaṃ vā // (18) Par.?

tenāsya samupahavaḥ syāt // (19) Par.?

bhakṣaś ca samānaḥ // (20) Par.?

bībhatseyātāṃ cen nānācamasau syātām // (21) Par.?

sarpatsu na śūnyaṃ sadaḥ kuryāt // (22) Par.?

tasya dadhibhakṣāntaṃ karma // (23) Par.?

sa nivarteta satreṣu // (24) Par.?

visaṃsthite savane pūrvayā dvārāntareṇa hotur dhiṣṇyaṃ maitrāvaruṇasya ca saṃcaraḥ // (25) Par.?

tad yathaitam iti // (26) Par.?