Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 16808

Click on a sentence to show its analysis
Keep the mouse pointer over a lemma to show its meanings.

pūrvaṃ nārāśaṃsaṃ bhakṣayitvāhavanīye prastotā pṛṣṭhahomaṃ juhuyād yat pṛṣṭhaṃ syāt tad ādiśyādaḥ pibatu somyaṃ madhv āyur dadhad yajñapatāv avihṛtam imaṃ yajñam abhisaṃvasānā hotrās tṛpyantu sumanasyamānāḥ svāheti pūrvām // (1) Par.?

svāhākāreṇottarām // (2) Par.?

dvaidhaṃ juhuyād iti dhānaṃjayyaḥ // (3) Par.?

adaḥ pibatu somyaṃ madhv āyur dadhad yajñapatāv avihṛtaṃ svāheti pūrvām // (4) Par.?

imaṃ yajñam ity uttarāṃ hotṛkapṛṣṭhebhya iti // (5) Par.?

revatīṣu vāravantīyam iti ṣaṣṭhe pṛṣṭhādeśaṃ gautamaḥ // (6) Par.?

mahāvratam iti vrate // (7) Par.?

revatyaś ca vāravantīyaṃ ceti dhānaṃjayyaḥ // (8) Par.?

yāvanti pṛṣṭhasthānāni syuḥ sarvāṇy eva prasaṃcakṣīta // (9) Par.?

pibatu dadhad iti ca yathārtham ūhet // (10) Par.?

bṛhatā rathantareṇa vā stoṣyamāṇaḥ prāk stomayogād daśa vyāhṛtīr manasā dhyāyed airam iti // (11) Par.?

rathantara evarcaṃ yas te goṣv iti // (12) Par.?

yuktvā stomam etad brūyād iti śāṇḍilya ṛcaṃ pūrvaṃ vyāhṛtibhya iti // (13) Par.?

itarad dhānaṃjayyaḥ // (14) Par.?

rathantare prastūyamāne sarvatra saṃmīlet // (15) Par.?

ekaikaṃ manasākṣaraṃ stobhair vācā yugapat saṃyuñjyād bhakārādibhir akārāntair akrāntaiḥ prathamasvarair uttamo dvitīyasvaraḥ prāk pratihārāc caturakṣaraṃ śiṣṭvā // (16) Par.?

tat sarvatra prativīkṣeta // (17) Par.?

stutvā varaṃ codayet // (18) Par.?

tasyāpṛṣṭhasya sato nivarteran dharmāḥ saha stobhair iti gautamaḥ // (19) Par.?

stobhā evānvīyur iti dhānaṃjayyaḥ // (20) Par.?

agniṣṭomasāmasaṃdhiṣāmnor evāpṛṣṭhaṃ stobhed iti śāṇḍilyaḥ // (21) Par.?

sarvatrāsvastotrīyaṃ na stobhed iti sthaviro gautamaḥ // (22) Par.?

Duration=0.076107025146484 secs.