Texts

agniṣ ṭapatīty avabhṛthasāma // (1) Par.?

tasyāvṛd yathā prathamasya pravargyasāmnaḥ // (2) Par.?

sarva ṛtvijo nidhanam upeyuḥ // (3) Par.?

iṣṭāhotrīyam abhiṣecanīye samasyeti vā // (4) Par.?

aśvatrirātre nānāvabhṛthāni sāmāni // (5) Par.?

teṣāṃ prathamasya sanād agna ity avabhṛthasāma // (6) Par.?

yad vā u viśpatir iti dvitīyasya tyagnāyir iti vā // (7) Par.?

avabhṛtheṣṭau saṃsthitāyām avabhṛtha nicumpuṇa nicerur asi nicumpuṇāva devair devakṛtam eno 'yāsiṣam ava martyair martyakṛtaṃ pururāvṇo deva riṣas pāhīty apa upaspṛśya trir abhyukṣeran // (8) Par.?

ādityam upatiṣṭherann ud vayaṃ tamasas pari jyotiḥ paśyanta uttaraṃ svaḥ paśyanta uttaraṃ devaṃ devatrā sūryam aganma jyotir uttamam iti // (9) Par.?

astamitaś ced āhavanīyam // (10) Par.?

tasmin samidha ādadhyur edho 'sy edhiṣīmahīti prathamāṃ samid asi samedhiṣīmahīti dvitīyām / (11.1) Par.?

yad enaś cakṛmā vayaṃ yad vānyakṛtam ārimā / (11.2) Par.?

anayā samidhā vayaṃ tad apamṛjmahe iti tṛtīyām // (11.3) Par.?

tam evopatiṣṭheran / (12.1) Par.?

apo adyānvacāriṣaṃ rasena samasṛkṣmahi / (12.2) Par.?

payasvān agna āgamaṃ taṃ mā saṃsṛja varcaseti // (12.3) Par.?

prāg udayanīyād atirātrād apsuṣomāntam ahaḥ satreṣu // (13) Par.?

dadhibhakṣāntam ahīneṣu // (14) Par.?

yāvanty ahāni rājānaṃ bhakṣayeyus tāvat svabrāhmaṇāyocchiṣṭaṃ na dadyuḥ // (15) Par.?

adbhir vā prokṣya dadyuḥ // (16) Par.?

tad eṣa ślokaḥ / (17.1) Par.?

somam etat pibata yat kiṃcāśnīta brāhmaṇāḥ / (17.2) Par.?

mā brāhmaṇāyocchiṣṭaṃ datta mā pāt somam asomapa iti // (17.3) Par.?

etaṃ parikramaṃ sarvakratuṣu vidyāt // (18) Par.?

eṣa jyotiḥ // (19) Par.?

sarve kāmāḥ sarve kāmāḥ // (20) Par.?