Texts

agnīṣomau praṇeṣyatsu vedim ākrāmen mantreṇa // (1) Par.?

paścimenottaravedim udaṅṅatikramyākramaṇayajur japet // (2) Par.?

cātvālasamīpe dīkṣitaś cet // (3) Par.?

tūṣṇīm ata ūrdhvaṃ veder ākramaṇam // (4) Par.?

krītvā rājā yenātihṛtaḥ syāt tena gatvā tūṣṇīm upaviśet // (5) Par.?

rājānaṃ harety uktaḥ pūrveṇāgnim ekasmā atipradāya tān prasavyaṃ parītyādāyānugacched dakṣiṇena ced gataḥ syāt // (6) Par.?

uttareṇa ced yathetaṃ parītyādāyānugacchet // (7) Par.?

anyena ced brahmā vrajitaḥ syād anyena rājā tenainaṃ pragṛhṇīyāt // (8) Par.?

etau tveva brahmaṇo gatikalpāvaharato 'pi // (9) Par.?

āsītāgnīdhrīya āhutyor hūyamānayor iti dhānaṃjayyaḥ // (10) Par.?

tiṣṭhediti śāṇḍilyaḥ // (11) Par.?

uttareṇāgnīdhrīyaṃ rājānam ājyāni ca hriyamāṇānyanugacchet // (12) Par.?

praveśiteṣu havirdhānaṃ paścimena gatvāsīteti gautamaḥ // (13) Par.?

pūrveṇeti dhānaṃjayyo dakṣiṇasya dvārabāhoḥ purastād yajuṣeti // (14) Par.?

agnīṣomīyavapāyāṃ hutāyāṃ yathetam udaṅṅ atikramya cātvāle mārjayeta // (15) Par.?

evam evāpararātra ājyeṣu praviṣṭeṣūpaveśanam // (16) Par.?

mārjanaṃ ca // (17) Par.?