Texts

Help

Select a text:
Bibliography

Select a chapter:
(no revisions)

Associated topic(s): Candra, Candramas, moon, agnihotra

Show parallels Show headlines
Use dependency labeler

Chapter id: 11705

Click on a sentence to show its analysis
Keep the mouse pointer over a lemma to show its meanings.

sa tato raśmīn eva rathaṃ samāsthāya candramasaḥ salokatām abhiprayāti // (1) Par.?

caturahaṃ juhoti // (2) Par.?

ṣoḍaśāhutayaḥ sampadyante // (3) Par.?

ṣoḍaśakalaṃ vai brahma // (4) Par.?

ṣoḍaśakalā devāḥ // (5) Par.?

ṣoḍaśakalam idaṃ sakṛt sarvam // (6) Par.?

sa yad iha ripraṃ pāpaṃ karma karoty ekayaiva tataḥ kalayā // (7) Par.?

yathā suvarṇaḥ pravṛttas tapyamānaḥ suvarṇatām abhiniṣpadyata evam eva dviṣatsu bhrātṛvyeṣu malaṃ pāpmānaṃ pratyūhya svargaṃ lokam abhipraiti // (8) Par.?

eṣa vai śaśo ya eṣo 'ntaś candramasi // (9) Par.?

eṣa hīdaṃ sarvaṃ śāsti // (10) Par.?

eṣa vai yamo ya eṣo 'ntaś candramasi // (11) Par.?

eṣa hīdaṃ sarvaṃ yamayati // (12) Par.?

eṣa vai mṛtyur yad yamo 'tsyann eva nāma // (13) Par.?

tam eva tābhir āhutibhiḥ śamayitvorjaṃ lokānāṃ jayati yamaṃ devaṃ devānāṃ // (14) Par.?

yamasya devasya sāyujyaṃ salokatāṃ samabhyārohati ya evaṃ vidvān agnihotraṃ juhoti // (15) Par.?

Duration=0.034298896789551 secs.