Texts

Help

Select a text:
Bibliography
Select a chapter:
 (no revisions)
Associated topic(s): kāmyeṣṭi

Show parallels  Show headlines
Use dependency labeler
Chapter id: 14776
  • Click on a sentence to show its analysis
  • Keep the mouse pointer over a lemma to show its meanings.
devā vai sattram āsata yaśaskāmā agnis soma indraḥ // (1) Par.?
te 'bruvan // (2) Par.?
yan no yaśa ṛchāt tan nas saheti // (3) Par.?
teṣāṃ somaṃ yaśa ārchat // (4) Par.?
tasmāt sa yaśasvī // (5) Par.?
sa girim agacchat // (6) Par.?
tasmāt sa girau // (7) Par.?
tam agnir anvāgacchat // (8) Par.?
tā agnīṣomau samabhavatām // (9) Par.?
athendro 'dhṛtaś śithila ivāmanyata // (10) Par.?
so 'nvāgacchat // (11) Par.?
so 'gnau caiva some cānāthata // (12) Par.?
tam etayeṣṭyāyājayatām agnīṣomīyeṇaikādaśakapālena // (13) Par.?
tejo vā agniḥ // (14) Par.?
indriyaṃ somaḥ // (15) Par.?
teja evāsminn agnir āgneyenādadhāt // (16) Par.?
indriyaṃ somas saumyena // (17) Par.?
tato vai so 'bhavat // (18) Par.?
etena yajeta bubhūṣann agnīṣomīyeṇaikādaśakapālena // (19) Par.?
tejo vā agniḥ // (20) Par.?
indriyaṃ somaḥ // (21) Par.?
teja evāsminn agnir āgneyenādadhāti // (22) Par.?
indriyaṃ somas saumyena // (23) Par.?
bhavaty eva // (24) Par.?
āgnīṣomīyam ekādaśakapālaṃ nirvapet sarvebhyaḥ kāmebhyo brāhmaṇaḥ // (25) Par.?
agnīṣomau vai brāhmaṇasya svā devatā // (26) Par.?
tā eva bhāgadheyenopadhāvati // (27) Par.?
tā asmai sarvān kāmān prayacchataḥ // (28) Par.?
agnīṣomīyam aṣṭākapālaṃ nirvapec chyāmākaṃ vasantā brāhmaṇo brahmavarcasakāmaḥ // (29) Par.?
agnīṣomau vai brahmavarcasasya pradātārau // (30) Par.?
tā eva bhāgadheyenopadhāvati // (31) Par.?
tā asmai brahmavarcasaṃ prayacchataḥ // (32) Par.?
vasantā yajeta // (33) Par.?
vasanto vai brāhmaṇasyartuḥ // (34) Par.?
sva evartau brahmavarcasam avarunddhe // (35) Par.?
evam iva vai brahmavarcasaṃ babhrv iva kṣudram iva haritam iva // (36) Par.?
brahmavarcasam eva saṃdadhāti // (37) Par.?
yad aṣṭākapālaḥ // (38) Par.?
tenāgneyaḥ // (39) Par.?
yac chyāmākaḥ // (40) Par.?
tena saumyaḥ // (41) Par.?
tenobhayasmān naiti // (42) Par.?
agnīṣomīye yājyānuvākye bhavataḥ // (43) Par.?
saumāgnī saṃyājye // (44) Par.?
tejo vā agniḥ // (45) Par.?
indriyaṃ somaḥ // (46) Par.?
tejasā caivendriyeṇa ca brahmavarcasam ubhayataḥ parigṛhyātman dhatte // (47) Par.?
Duration=0.080581903457642 secs.