Texts

tadāvasāne yajñasya rāmaḥ paramadurmanāḥ / (1.1) Par.?

apaśyamāno vaidehīṃ mene śūnyam idaṃ jagat / (1.2) Par.?

śokena paramāyatto na śāntiṃ manasāgamat // (1.3) Par.?

visṛjya pārthivān sarvān ṛkṣavānararākṣasān / (2.1) Par.?

janaughaṃ brahmamukhyānāṃ vittapūrṇaṃ vyasarjayat // (2.2) Par.?

tato visṛjya tān sarvān rāmo rājīvalocanaḥ / (3.1) Par.?

hṛdi kṛtvā tadā sītām ayodhyāṃ praviveśa saḥ // (3.2) Par.?

na sītāyāḥ parāṃ bhāryāṃ vavre sa raghunandanaḥ / (4.1) Par.?

yajñe yajñe ca patnyarthaṃ jānakī kāñcanī bhavat // (4.2) Par.?

daśavarṣasahasrāṇi vājimedham upākarot / (5.1) Par.?

vājapeyān daśaguṇāṃstathā bahusuvarṇakān // (5.2) Par.?

agniṣṭomātirātrābhyāṃ gosavaiśca mahādhanaiḥ / (6.1) Par.?

īje kratubhir anyaiśca sa śrīmān āptadakṣiṇaiḥ // (6.2) Par.?

evaṃ sa kālaḥ sumahān rājyasthasya mahātmanaḥ / (7.1) Par.?

dharme prayatamānasya vyatīyād rāghavasya tu // (7.2) Par.?

ṛkṣavānararakṣāṃsi sthitā rāmasya śāsane / (8.1) Par.?

anurajyanti rājāno 'hanyahani rāghavam // (8.2) Par.?

kāle varṣati parjanyaḥ subhikṣaṃ vimalā diśaḥ / (9.1) Par.?

hṛṣṭapuṣṭajanākīrṇaṃ puraṃ janapadastathā // (9.2) Par.?

nākāle mriyate kaścinna vyādhiḥ prāṇināṃ tadā / (10.1) Par.?

nādharmaścābhavat kaścid rāme rājyaṃ praśāsati // (10.2) Par.?

atha dīrghasya kālasya rāmamātā yaśasvinī / (11.1) Par.?

putrapautraiḥ parivṛtā kāladharmam upāgamat // (11.2) Par.?

anviyāya sumitrāpi kaikeyī ca yaśasvinī / (12.1) Par.?

dharmaṃ kṛtvā bahuvidhaṃ tridive paryavasthitā // (12.2) Par.?

sarvāḥ pratiṣṭhitāḥ svarge rājñā daśarathena ca / (13.1) Par.?

samāgatā mahābhāgāḥ saha dharmaṃ ca lebhire // (13.2) Par.?

tāsāṃ rāmo mahādānaṃ kāle kāle prayacchati / (14.1) Par.?

mātṝṇām aviśeṣeṇa brāhmaṇeṣu tapasviṣu // (14.2) Par.?

pitryāṇi bahuratnāni yajñān paramadustarān / (15.1) Par.?

cakāra rāmo dharmātmā pitṝn devān vivardhayan // (15.2) Par.?