Texts

Help

Select a text:
Bibliography

Select a chapter:
(no revisions)

Associated topic(s): Medicine

Show parallels Show headlines
Use dependency labeler

Chapter id: 1420

Click on a sentence to show its analysis
Keep the mouse pointer over a lemma to show its meanings.

dvividhaṃ bheṣajamuktaṃ vibhajate svasthasyetyādi // (1) Par.?

tadvṛṣyaṃ tadrasāyanaṃ prāya iti chedaḥ // (2) Par.?

yadvṛṣyaṃ prāyo bhavati tathā rasāyanaṃ yat prāyo bhavati ārtasya rogaharaṃ yadbāhulyena tat svasthorjaskaram ucyate yattu dvitīyam ārtarogaharaṃ tat prāyeṇa jvarādiśamanaṃ rasāyanaṃ vājīkaraṇaṃ ca bhavati yathākṣatakṣīṇoktaṃ sarpirguḍādi rasāyanaṃ vṛṣyaṃ ca bhavati tathā pāṇḍurogokto yogarājo rasāyanatvenoktaḥ tathā kāsādhikāre 'gastyaharītakī rasāyanatvenoktetyādy anusaraṇīyam // (3) Par.?

rasāyanoktānāṃ ca jvarādiharatvam atra suvyaktam eva rasāyanagrantheṣu // (4) Par.?

anye tu bruvate yad vyādhimātraharaṃ na tad rasāyanaṃ kiṃtu śarīrasaṃyogadārḍhyād dīrghāyuḥkartṛtvasādhāraṇadharmayogād upacaritavyādhiharaṃ rasāyanam ihocyata iti // (5) Par.?

nanu yadi svasthorjaskaramapi vyādhiharaṃ vyādhiharaṃ ca svasthorjaskaraṃ tatkiṃ kiṃciditi padena bheṣajakarmavyavasthādarśakena kriyate brūmaḥ bāhulyena svasthorjaskaratvaṃ vyādhiharatvaṃ ca vyavasthāpyate na ceha sarvārtarogaharasya svasthorjaskaratvamiti pratijñāyate yena pāṭhāsaptaparṇādīnām api rasāyanatvaṃ sādhanīyaśaktitvād ārtarogaharatvena yaducyate tadapi rasāyanaṃ vājīkaraṇaṃ ca bhavatīti lavamātropadarśanaṃ kriyate tat svasthārtayor ubhayārthakartṛtvam // (6) Par.?

prāyaḥśabdatātparyaṃ vivṛṇoti prāya ityādi // (7) Par.?

viśeṣārtham iti bāhulyārtham ityarthaḥ // (8) Par.?

Duration=0.017922878265381 secs.