Texts

dravyatvam abhrakeṇāhābhrakajīrṇa ityādi // (1) Par.?

balarahite atikṣudbodhe ṣaṇḍhatā bhavet // (2) Par.?

yathā / (3.1) Par.?

śītatvānmardanābhāvāl lohāśuddhasya jāraṇāt / (3.2) Par.?

viḍaprabhūtadānād vā bhuṅkte jīrṇādajīrṇagaḥ // (3.3) Par.?

atyagnito nirāhārāt krāmaṇārahitasya ca / (4.1) Par.?

ityetā vikriyā jñeyā aṣṭabhiḥ ṣaṇḍhatāṃ vrajet // (4.2) Par.?

iti // (5) Par.?

ato raso'ṣṭasaṃskārānantaram abhrakajīrṇaḥ kartavyaḥ yato'bhrakajīrṇaṃ balavān bhavati // (6) Par.?

abhrakajīrṇe grāsanyāye na jāritaṃ yasmin sa tathoktaḥ // (7) Par.?

tasyābhrajāraṇāyogyasya rasasya cāraṇe kevalakavalane ete proktāḥ // (8) Par.?

ete ke saṃdhānavāsanauṣadhinirmukhasamukhā eva mahāyogāḥ mahaddravyatvakārakāḥ saṃdhānaṃ sarvadhānyānām aṣṭauṣadhyādīnāṃ ca saṃdhānaṃ yathā sarvadhānyāni nikṣipya āranālaṃ tu kārayet // (9) Par.?

sapattramūlasaṃyuktā auṣadhīstatra niḥkṣipet // (10) Par.?

kṣitikāsīsasāmudrasindhutryuṣaṇarājikaiḥ / (11.1) Par.?

saṃyuktaṃ kārayettattu soṣme saptāhasaṃsthitam // (11.2) Par.?

taccāranālasaṃyuktaṃ tāmrabhāṇḍe tu saṃdhayet / (12.1) Par.?

ityabhrakacāraṇārthaṃ saṃdhānam // (12.2) Par.?

vāsanauṣadhyo yathā / (13.1) Par.?

vijñeyamauṣadhīvargaṃ yathā śāstrairudāhṛtam / (13.2) Par.?

jalajaṃ sthalajaṃ caiva samyak jñātvā tu kārayet // (13.3) Par.?

jalajā utpalī padmā sthalajā ca prasāriṇī / (14.1) Par.?

jālinī abhracandrā ca citraparṇī triparṇikā / (14.2) Par.?

rasacandraukasaś caiva tathā ca jalamūlakaḥ / (14.3) Par.?

samaṅgā vāribhūtā ca apāmārgo jalodbhavā // (14.4) Par.?

ajamārī upāmbuśca kumbhikā jalapippalī / (15.1) Par.?

jalapūrvāmbusītā ca kumārī nāginī tathā // (15.2) Par.?

sitajaṅghā svaraścaiva tathā sarpaḥ sugandhikā / (16.1) Par.?

vṛddhā ca bṛhatī tadvanmūrtir mārjārapādikā // (16.2) Par.?

tathā jalacakorī ca mīnākṣī ahilocanā / (17.1) Par.?

jayāṃvica varāhī ca apattrā īśvarī tathā // (17.2) Par.?

kurkurī halinī caiva bṛhatī vajrakandakam / (18.1) Par.?

musalī vanamālā ca vidārī mohinī tathā // (18.2) Par.?

māṇḍūkī lavaṇā caiva ugrā ca uttamā tathā / (19.1) Par.?

śikhipādī kapotī ca nandinī vṛścikālikā / (19.2) Par.?

haṃsapādī śikhā caiva sārivā vāyasī tathā / (19.3) Par.?

dantī gojihvikā caiva garuḍī hemapuṣpikā // (19.4) Par.?

samaṅgā jalajā caiva māṃsī pāṣāṇabhedikā / (20.1) Par.?

alambuṣā meghanādā śukanādā kapotikī // (20.2) Par.?

kṣīrikā tulasī dhānyā meṣikā ca vanārjakā / (21.1) Par.?

vārāhī caṇakāyāsī tathā ca aparājitā // (21.2) Par.?

catuḥṣaṣṭigaṇo hy eṣa auṣadhīnāṃ prakīrtitaḥ / (22.1) Par.?

ṣaṣṭhāṣṭakaprayogena avasthāṃ naiva kārayet // (22.2) Par.?

iti // (23) Par.?

ayamoṣadhīgaṇaḥ saṃdhāne 'pi yojyaḥ // (24) Par.?

saṃdhānaṃ ca vāsanauṣadhayaśca tābhiḥ kṛtvā ye nirmukhasamukhā eva yogāḥ akṛtamukhakṛtamukhā ityarthaḥ // (25) Par.?