Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4634

Click on a sentence to show its analysis
Keep the mouse pointer over a lemma to show its meanings.

śrīmārkaṇḍeya uvāca / (1.1) Par.?

tato gacchettu rājendra mātṛtīrthamanuttamam / (1.2) Par.?

saṅgamasya samīpasthaṃ narmadādakṣiṇe taṭe // (1.3) Par.?

mātarastatra rājendra saṃjātā narmadātaṭe / (2.1) Par.?

umārdhanārir deveśo vyālayajñopavītadhṛk // (2.2) Par.?

uvāca yoginīvṛndaṃ kaṣṭaṃkaṣṭamaho hara / (3.1) Par.?

ajeyāḥ sarvadevānāṃ tvatprasādānmaheśvara // (3.2) Par.?

tīrthamatra vidhānena prakhyātaṃ vasudhātale / (4.1) Par.?

evaṃ bhavatu yoginya ityuktvāntaradhācchivaḥ // (4.2) Par.?

śrīmārkaṇḍeya uvāca / (5.1) Par.?

tatra tīrthe tu yo bhaktyā navamyāṃ niyataḥ śuciḥ / (5.2) Par.?

upoṣya parayā bhaktyā pūjayenmātṛgocaram // (5.3) Par.?

tasya syurmātaraḥ prītāḥ prīto 'yaṃ vṛṣavāhanaḥ / (6.1) Par.?

vandhyāyā mṛtavatsāyā aputrāyā yudhiṣṭhira // (6.2) Par.?

snāpanaṃ cārabhettatra mantraśāstraviduttamaḥ / (7.1) Par.?

sahiraṇyena kumbhena pañcaratnaphalānvitaḥ // (7.2) Par.?

snāpayet putrakāmāyāḥ kāṃsyapātreṇa deśikaḥ / (8.1) Par.?

putraṃ sā labhate nārī vīryavantaṃ guṇānvitam // (8.2) Par.?

yo yaṃ kāmamabhidhyāyettataḥ sa labhate nṛpa / (9.1) Par.?

mātṛtīrthātparaṃ tīrthaṃ na bhūtaṃ na bhaviṣyati // (9.2) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe mātṛtīrthamāhātmyavarṇanaṃ nāma ṣaṭṣaṣṭitamo 'dhyāyaḥ // (10.1) Par.?

Duration=0.031546831130981 secs.