Texts

atha nipātā uccāvaceṣvartheṣu nipatanti // (1) Par.?

apyupamārthe api karmopasaṃgrahārthe api padapūraṇāḥ // (2) Par.?

teṣām ete catvāra upamārthe bhavanti // (3) Par.?

iva iti bhāṣāyāṃ ca anvadhyāyaṃ ca // (4) Par.?

agnir iva indra iva iti // (5) Par.?

na iti pratiṣedhārthīyo bhāṣāyām ubhayam anvadhyāyam // (6) Par.?

na indraṃ devam amaṃsata iti pratiṣedhārthīyaḥ // (7) Par.?

purastād upācāras tasya yat pratiṣedhati // (8) Par.?

durmadāso na surāyāṃ ityupamārthīyaḥ // (9) Par.?

upariṣṭād upācārastasya yenopamimīte // (10) Par.?

cid ityeṣo 'nekakarmā ācāryaś cid idaṃ brūyād iti pūjāyām // (11) Par.?

ācāryaḥ kasmād ācāryācāraṃ grāhayatyācinotyarthān ācinoti buddhim iti vā // (12) Par.?

dadhicid ityupamārthe // (13) Par.?

kulmāṣāṃścid āhara ityavakutsite // (14) Par.?

kulmāṣāḥ kuleṣu sīdanti // (15) Par.?

nu ityeṣo 'nekakarmā idaṃ nu kariṣyatīti hetvapadeśaḥ // (16) Par.?

kathaṃ nu kariṣyatītyanupṛṣṭe nanvetad akārṣīd iti cāthāpyupamārthe bhavati // (17) Par.?

vṛkṣasya nu te puruhūta vayāḥ // (18) Par.?

vṛkṣasya iva te puruhūta śākhāḥ // (19) Par.?

vayāḥ śākhā veter vātāyanā bhavanti // (20) Par.?

śākhāḥ khaśayāḥ śaknoter vā // (21) Par.?

atha yasyāgamād arthapṛthaktvam aha vijñāyate na tvauddeśikam iva vigraheṇa pṛthaktvāt sa karmopasaṃgrahaḥ // (22) Par.?

ceti samuccayārtha ubhābhyāṃ samprayujyate // (23) Par.?

ahaṃ ca tvaṃ ca vṛtrahan ityetasminn evārthe // (24) Par.?

devebhyaśca pitṛbhya ā iti ākāraḥ // (25) Par.?

vā iti vicāraṇārthe // (26) Par.?

hantāhaṃ pṛthivīm imāṃ nidadhānīha vā iha vā iti // (27) Par.?

athāpi samuccayārthe bhavati // (28) Par.?