UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 8516
- Click on a sentence to show its analysis
- Keep the mouse pointer over a lemma to show its meanings.
parāśara uvāca / (1.1)
Par.?
ataḥ paraṃ bhaviṣyān ahaṃ bhūpālān kīrtayiṣyāmi // (1.2)
Par.?
yo 'yaṃ sāmpratam avanīpatiḥ parīkṣit tasyāpi janamejayaśrutasenograsenabhīmasenāś catvāraḥ putrā bhaviṣyanti // (2.1)
Par.?
janamejayasyāpi śatānīko bhaviṣyati // (3.1)
Par.?
yo 'sau yājñavalkyād vedam adhītya kṛpād astrāṇyavāpya viṣamaviṣayaviraktacittavṛttiś ca śaunakopadeśād ātmajñānapravīṇaḥ paraṃ nirvāṇam avāpsyati // (4.1)
Par.?
śatānīkād aśvamedhadatto bhavitā // (5.1)
Par.?
tasmād apy adhisīmakṛṣṇaḥ // (6.1)
Par.?
adhisīmakṛṣṇānnicaknuḥ // (7.1)
Par.?
yo gaṅgayāpahṛte hastinapure kauśāmbyāṃ nivatsyati // (8.1)
Par.?
tasyāpy uṣṇaḥ putro bhavitā // (9.1)
Par.?
uṣṇād vicitrarathaḥ // (10.1)
Par.?
tataḥ śucirathaḥ // (11.1)
Par.?
tasmād vṛṣṇimāṃs tataḥ suṣeṇas tasyāpi sunīthaḥ sunīthān nṛpacakṣus tasmād api sukhibalas tasya ca pāriplavas tataś ca sunayas tasyāpi medhāvī // (12.1)
Par.?
medhāvino ripuñjayas tato 'rvas tasmācca tigmas tasmād bṛhadrathaḥ bṛhadrathād vasudāsaḥ // (13.1) Par.?
tato 'paraḥ śatānīkaḥ // (14.1)
Par.?
tasmāccodayana udayanād vihīnaras tataśca daṇḍapāṇis tato nimittaḥ // (15.1)
Par.?
tasmācca kṣemakaḥ // (16.1)
Par.?
atrāyaṃ ślokaḥ // (17.1)
Par.?
brahmakṣatrasya yo yonir vaṃśo rājarṣisatkṛtaḥ / (18.1)
Par.?
kṣemakaṃ prāpya rājānaṃ sa saṃsthāṃ prāpsyate kalau / (18.2)
Par.?
Duration=0.037837982177734 secs.