Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9621

Click on a sentence to show its analysis
Keep the mouse pointer over a lemma to show its meanings.

atha khalviyaṃ daivī vīṇā bhavati tadanukṛtir asau mānuṣī bhavati // (1) Par.?

tad yatheyaṃ śastravatī tardmavatī bhavaty evam evāsau śastravatī tardmavatī bhavati // (2) Par.?

tad yathāsyāḥ śira evam amuṣyāḥ śiraḥ // (3) Par.?

tad yathāsyai vaṃśa evam amuṣyā daṇḍaḥ // (4) Par.?

tad yathāsyā udaram evam amuṣyā ambhaṇaṃ // (5) Par.?

tad yathāsyai mukhanāsike akṣiṇī ity evam amuṣyāś chidrāṇi // (6) Par.?

tad yathāsyā aṅgulinigrahā upastaraṇānīty evam amuṣyāḥ parvāṇi // (7) Par.?

tad yathāsyā aṅgulaya evam amuṣyās tantryaḥ // (8) Par.?

tad yathāsyai jihvaivam amuṣyā vādanam // (9) Par.?

tad yathāsyāḥ svarā evam amuṣyāḥ svarāḥ // (10) Par.?

tad yathā haiveyaṃ romaśena carmaṇāpihitā bhavaty evam evāsau romaśena carmaṇāpihitā bhavati // (11) Par.?

romaśena ha sma carmaṇā purā vīṇā apidadhati // (12) Par.?

saiṣā daivī vīṇā bhavati // (13) Par.?

sa ya evam etāṃ daivīṃ vīṇāṃ veda śrutavadanatamo bhavati bhūmiprāsya kīrtir bhavati śuśrūṣante hāsya parṣatsu bhāṣyamāṇasyedam astu yad ayam īhate yatrāryā vāg vadati vidur enaṃ tatra // (14) Par.?

Duration=0.023320198059082 secs.