UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3424
- Click on a sentence to show its analysis
- Keep the mouse pointer over a lemma to show its meanings.
athāto 'pāmārgataṇḍulīyamadhyāyaṃ vyākhyāsyāmaḥ // (1.1)
Par.?
iti ha smāha bhagavānātreyaḥ // (2.1)
Par.?
apāmārgasya bījāni pippalīrmaricāni ca / (3.1)
Par.?
viḍaṅgānyatha śigrūṇi sarṣapāṃstumburūṇi ca // (3.2)
Par.?
ajājīṃ cājagandhāṃ ca pīlūnyelāṃ hareṇukām / (4.1) Par.?
pṛthvīkāṃ surasāṃ śvetāṃ kuṭherakaphaṇijjhakau // (4.2)
Par.?
śirīṣabījaṃ laśunaṃ haridre lavaṇadvayam / (5.1)
Par.?
jyotiṣmatīṃ nāgaraṃ ca dadyācchīrṣavirecane // (5.2)
Par.?
gaurave śirasaḥ śūle pīnase 'rdhāvabhedake / (6.1)
Par.?
krimivyādhāvapasmāre ghrāṇanāśe pramohake // (6.2)
Par.?
madanaṃ madhukaṃ nimbaṃ jīmūtaṃ kṛtavedhanam / (7.1)
Par.?
pippalīkuṭajekṣvākūṇyelāṃ dhāmārgavāṇi ca // (7.2)
Par.?
upasthite śleṣmapitte vyādhāvāmāśayāśraye / (8.1)
Par.?
vamanārthaṃ prayuñjīta bhiṣagdehamadūṣayan // (8.2)
Par.?
trivṛtāṃ triphalāṃ dantīṃ nīlinīṃ saptalāṃ vacām / (9.1)
Par.?
kampillakaṃ gavākṣīṃ ca kṣīriṇīm udakīryakām // (9.2)
Par.?
pīlūnyāragvadhaṃ drākṣāṃ dravantīṃ niculāni ca / (10.1)
Par.?
pakvāśayagate doṣe virekārthaṃ prayojayet // (10.2)
Par.?
pāṭalāṃ cāgnimanthaṃ ca bilvaṃ śyonākameva ca / (11.1)
Par.?
kāśmaryaṃ śālaparṇīṃ ca pṛśniparṇīṃ nidigdhikām // (11.2)
Par.?
balāṃ śvadaṃṣṭrāṃ bṛhatīmeraṇḍaṃ sapunarnavam / (12.1)
Par.?
yavān kulatthān kolāni guḍūcīṃ madanāni ca // (12.2)
Par.?
palāśaṃ kattṛṇaṃ caiva snehāṃśca lavaṇāni ca / (13.1)
Par.?
udāvarte vibandheṣu yuñjyādāsthāpaneṣu ca // (13.2)
Par.?
ata evauṣadhagaṇāt saṃkalpyamanuvāsanam / (14.1)
Par.?
mārutaghnamiti proktaḥ saṃgrahaḥ pāñcakarmikaḥ // (14.2)
Par.?
tānyupasthitadoṣāṇāṃ snehasvedopapādanaiḥ / (15.1)
Par.?
pañcakarmāṇi kurvīta mātrākālau vicārayan // (15.2)
Par.?
mātrākālāśrayā yuktiḥ siddhiryuktau pratiṣṭhitā / (16.1)
Par.?
tiṣṭhatyupari yuktijño dravyajñānavatāṃ sadā // (16.2)
Par.?
ata ūrdhvaṃ pravakṣyāmi yavāgūrvividhauṣadhāḥ / (17.1)
Par.?
vividhānāṃ vikārāṇāṃ tatsādhyānāṃ nivṛttaye // (17.2)
Par.?
pippalīpippalīmūlacavyacitrakanāgaraiḥ / (18.1)
Par.?
yavāgūrdīpanīyā syācchūlaghnī copasādhitā // (18.2)
Par.?
dadhitthabilvacāṅgerītakradāḍimasādhitā / (19.1)
Par.?
pācanī grāhiṇī peyā savāte pāñcamūlikī // (19.2)
Par.?
śālaparṇībalābilvaiḥ pṛśniparṇyā ca sādhitā / (20.1)
Par.?
dāḍimāmlā hitā peyā pittaśleṣmātisāriṇām // (20.2)
Par.?
payasyardhodake chāge hrīverotpalanāgaraiḥ / (21.1)
Par.?
peyā raktātisāraghnī pṛśniparṇyā ca sādhitā // (21.2)
Par.?
dadyāt sātiviṣāṃ peyāṃ sāme sāmlāṃ sanāgarām / (22.1)
Par.?
śvadaṃṣṭrākaṇṭakārībhyāṃ mūtrakṛcchre saphāṇitām // (22.2)
Par.?
viḍaṅgapippalīmūlaśigrubhirmaricena ca / (23.1)
Par.?
takrasiddhā yavāgūḥ syāt krimighnī sasuvarcikā // (23.2)
Par.?
mṛdvīkāsārivālajapippalīmadhunāgaraiḥ / (24.1)
Par.?
pipāsāghnī viṣaghnī ca somarājīvipācitā // (24.2)
Par.?
siddhā varāhaniryūhe yavāgūrbṛṃhaṇī matā / (25.1)
Par.?
gavedhukānāṃ bhṛṣṭānāṃ karśanīyā samākṣikā // (25.2)
Par.?
sarpiṣmatī bahutilā snehanī lavaṇānvitā / (26.1)
Par.?
kuśāmalakaniryūhe śyāmākānāṃ virūkṣaṇī // (26.2)
Par.?
daśamūlīśṛtā kāsahikkāśvāsakaphāpahā / (27.1)
Par.?
yamake madirāsiddhā pakvāśayarujāpahā // (27.2)
Par.?
śākairmāṃsaistilairmāṣaiḥ siddhā varco nirasyati / (28.1)
Par.?
jambvāmrāsthidadhitthāmlabilvaiḥ sāṅgrāhikī matā // (28.2)
Par.?
kṣāracitrakahiṅgvamlavetasairbhedinī matā / (29.1)
Par.?
abhayāpippalīmūlaviśvair vātānulomanī // (29.2)
Par.?
takrasiddhā yavāgūḥ syādghṛtavyāpattināśinī / (30.1)
Par.?
tailavyāpadi śastā syāttakrapiṇyākasādhitā // (30.2)
Par.?
gavyamāṃsarasaiḥ sāmlā viṣamajvaranāśinī / (31.1)
Par.?
kaṇṭhyā yavānāṃ yamake pippalyāmalakaiḥ śṛtā // (31.2)
Par.?
tāmracūḍarase siddhā retomārgarujāpahā / (32.1)
Par.?
samāṣavidalā vṛṣyā ghṛtakṣīropasādhitā // (32.2)
Par.?
upodikādadhibhyāṃ tu siddhā madavināśinī / (33.1)
Par.?
kṣudhaṃ hanyādapāmārgakṣīragodhārasaiḥ śṛtā // (33.2)
Par.?
tatra ślokaḥ / (34.1)
Par.?
aṣṭāviṃśatirityetā yavāgvaḥ parikīrtitāḥ / (34.2)
Par.?
pañcakarmāṇi cāśritya prokto bhaiṣajyasaṃgrahaḥ // (34.3)
Par.?
pūrvaṃ mūlaphalajñānahetoruktaṃ yadauṣadham / (35.1)
Par.?
pañcakarmāśrayajñānahetostat kīrtitaṃ punaḥ // (35.2)
Par.?
smṛtimān hetuyuktijño jitātmā pratipattimān / (36.1)
Par.?
bhiṣagauṣadhasaṃyogaiścikitsāṃ kartumarhati // (36.2)
Par.?
Duration=0.12704992294312 secs.