UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Indra
Show parallels
Show headlines
Use dependency labeler
Chapter id: 10048
- Click on a sentence to show its analysis
- Keep the mouse pointer over a lemma to show its meanings.
mā no asmin maghavan pṛtsv aṃhasi nahi te antaḥ śavasaḥ parīṇaśe / (1.1)
Par.?
akrandayo nadyo roruvad vanā kathā na kṣoṇīr bhiyasā sam ārata // (1.2)
Par.?
arcā śakrāya śākine śacīvate śṛṇvantam indram mahayann abhi ṣṭuhi / (2.1)
Par.?
yo dhṛṣṇunā śavasā rodasī ubhe vṛṣā vṛṣatvā vṛṣabho nyṛñjate // (2.2)
Par.?
arcā dive bṛhate śūṣyaṃ vacaḥ svakṣatraṃ yasya dhṛṣato dhṛṣan manaḥ / (3.1)
Par.?
bṛhacchravā asuro barhaṇā kṛtaḥ puro haribhyāṃ vṛṣabho ratho hi ṣaḥ // (3.2) Par.?
tvaṃ divo bṛhataḥ sānu kopayo 'va tmanā dhṛṣatā śambaram bhinat / (4.1)
Par.?
yan māyino vrandino mandinā dhṛṣacchitāṃ gabhastim aśanim pṛtanyasi // (4.2)
Par.?
ni yad vṛṇakṣi śvasanasya mūrdhani śuṣṇasya cid vrandino roruvad vanā / (5.1)
Par.?
prācīnena manasā barhaṇāvatā yad adyā cit kṛṇavaḥ kas tvā pari // (5.2)
Par.?
tvam āvitha naryaṃ turvaśaṃ yaduṃ tvaṃ turvītiṃ vayyaṃ śatakrato / (6.1)
Par.?
tvaṃ ratham etaśaṃ kṛtvye dhane tvam puro navatiṃ dambhayo nava // (6.2)
Par.?
sa ghā rājā satpatiḥ śūśuvaj jano rātahavyaḥ prati yaḥ śāsam invati / (7.1)
Par.?
ukthā vā yo abhigṛṇāti rādhasā dānur asmā uparā pinvate divaḥ // (7.2)
Par.?
asamaṃ kṣatram asamā manīṣā pra somapā apasā santu neme / (8.1)
Par.?
ye ta indra daduṣo vardhayanti mahi kṣatraṃ sthaviraṃ vṛṣṇyaṃ ca // (8.2)
Par.?
tubhyed ete bahulā adridugdhāś camūṣadaś camasā indrapānāḥ / (9.1)
Par.?
vy aśnuhi tarpayā kāmam eṣām athā mano vasudeyāya kṛṣva // (9.2)
Par.?
apām atiṣṭhad dharuṇahvaraṃ tamo 'ntar vṛtrasya jaṭhareṣu parvataḥ / (10.1)
Par.?
abhīm indro nadyo vavriṇā hitā viśvā anuṣṭhāḥ pravaṇeṣu jighnate // (10.2)
Par.?
sa śevṛdham adhi dhā dyumnam asme mahi kṣatraṃ janāṣāḍ indra tavyam / (11.1)
Par.?
rakṣā ca no maghonaḥ pāhi sūrīn rāye ca naḥ svapatyā iṣe dhāḥ // (11.2)
Par.?
Duration=0.11144089698792 secs.