Texts

ayaṃ jāyata manuṣo dharīmaṇi hotā yajiṣṭha uśijām anu vratam agniḥ svam anu vratam / (1.1) Par.?

viśvaśruṣṭiḥ sakhīyate rayir iva śravasyate / (1.2) Par.?

adabdho hotā ni ṣadad iﾱas pade parivīta iﾱas pade // (1.3) Par.?

taṃ yajñasādham api vātayāmasy ṛtasya pathā namasā haviṣmatā devatātā haviṣmatā / (2.1) Par.?

sa na ūrjām upābhṛty ayā kṛpā na jūryati / (2.2) Par.?

yam mātariśvā manave parāvato devam bhāḥ parāvataḥ // (2.3) Par.?

evena sadyaḥ pary eti pārthivam muhurgī reto vṛṣabhaḥ kanikradad dadhad retaḥ kanikradat / (3.1) Par.?

śataṃ cakṣāṇo akṣabhir devo vaneṣu turvaṇiḥ / (3.2) Par.?

sado dadhāna upareṣu sānuṣv agniḥ pareṣu sānuṣu // (3.3) Par.?

sa sukratuḥ purohito dame dame 'gnir yajñasyādhvarasya cetati kratvā yajñasya cetati / (4.1) Par.?

kratvā vedhā iṣūyate viśvā jātāni paspaśe / (4.2) Par.?

yato ghṛtaśrīr atithir ajāyata vahnir vedhā ajāyata // (4.3) Par.?

kratvā yad asya taviṣīṣu pṛñcate 'gner aveṇa marutāṃ na bhojyeṣirāya na bhojyā / (5.1) Par.?

sa hi ṣmā dānam invati vasūnāṃ ca majmanā / (5.2) Par.?

sa nas trāsate duritād abhihrutaḥ śaṃsād aghād abhihrutaḥ // (5.3) Par.?

viśvo vihāyā aratir vasur dadhe haste dakṣiṇe taraṇir na śiśrathacchravasyayā na śiśrathat / (6.1) Par.?

viśvasmā id iṣudhyate devatrā havyam ohiṣe / (6.2) Par.?

viśvasmā it sukṛte vāram ṛṇvaty agnir dvārā vy ṛṇvati // (6.3) Par.?

sa mānuṣe vṛjane śantamo hito 'gnir yajñeṣu jenyo na viśpatiḥ priyo yajñeṣu viśpatiḥ / (7.1) Par.?

sa havyā mānuṣāṇām iﾱā kṛtāni patyate / (7.2) Par.?

sa nas trāsate varuṇasya dhūrter maho devasya dhūrteḥ // (7.3) Par.?

agniṃ hotāram īﾱate vasudhitim priyaṃ cetiṣṭham aratiṃ ny erire havyavāhaṃ ny erire / (8.1) Par.?

viśvāyuṃ viśvavedasaṃ hotāraṃ yajataṃ kavim / (8.2) Par.?

devāso raṇvam avase vasūyavo gīrbhī raṇvaṃ vasūyavaḥ // (8.3) Par.?