Texts

kaṅkato na kaṅkato 'tho satīnakaṅkataḥ / (1.1) Par.?

dvāv iti pluṣī iti ny adṛṣṭā alipsata // (1.2) Par.?

adṛṣṭān hanty āyaty atho hanti parāyatī / (2.1) Par.?

atho avaghnatī hanty atho pinaṣṭi piṃṣatī // (2.2) Par.?

śarāsaḥ kuśarāso darbhāsaḥ sairyā uta / (3.1) Par.?

mauñjā adṛṣṭā vairiṇāḥ sarve sākaṃ ny alipsata // (3.2) Par.?

ni gāvo goṣṭhe asadan ni mṛgāso avikṣata / (4.1) Par.?

ni ketavo janānāṃ ny adṛṣṭā alipsata // (4.2) Par.?

eta u tye praty adṛśran pradoṣaṃ taskarā iva / (5.1) Par.?

adṛṣṭā viśvadṛṣṭāḥ pratibuddhā abhūtana // (5.2) Par.?

dyaur vaḥ pitā pṛthivī mātā somo bhrātāditiḥ svasā / (6.1) Par.?

adṛṣṭā viśvadṛṣṭās tiṣṭhatelayatā su kam // (6.2) Par.?

ye aṃsyā ye aṅgyāḥ sūcīkā ye prakaṅkatāḥ / (7.1) Par.?

adṛṣṭāḥ kiṃ caneha vaḥ sarve sākaṃ ni jasyata // (7.2) Par.?

ut purastāt sūrya eti viśvadṛṣṭo adṛṣṭahā / (8.1) Par.?

adṛṣṭān sarvāñ jambhayan sarvāś ca yātudhānyaḥ // (8.2) Par.?

ud apaptad asau sūryaḥ puru viśvāni jūrvan / (9.1) Par.?

ādityaḥ parvatebhyo viśvadṛṣṭo adṛṣṭahā // (9.2) Par.?

sūrye viṣam ā sajāmi dṛtiṃ surāvato gṛhe / (10.1) Par.?

so cin nu na marāti no vayam marāmāre asya yojanaṃ hariṣṭhā madhu tvā madhulā cakāra // (10.2) Par.?

iyattikā śakuntikā sakā jaghāsa te viṣam / (11.1) Par.?

so cin nu na marāti no vayam marāmāre asya yojanaṃ hariṣṭhā madhu tvā madhulā cakāra // (11.2) Par.?

triḥ sapta viṣpuliṅgakā viṣasya puṣyam akṣan / (12.1) Par.?

tāś cin nu na maranti no vayam marāmāre asya yojanaṃ hariṣṭhā madhu tvā madhulā cakāra // (12.2) Par.?

navānāṃ navatīnāṃ viṣasya ropuṣīṇām / (13.1) Par.?

sarvāsām agrabhaṃ nāmāre asya yojanaṃ hariṣṭhā madhu tvā madhulā cakāra // (13.2) Par.?

triḥ sapta mayūryaḥ sapta svasāro agruvaḥ / (14.1) Par.?

tās te viṣaṃ vi jabhrira udakaṃ kumbhinīr iva // (14.2) Par.?

iyattakaḥ kuṣumbhakas takam bhinadmy aśmanā / (15.1) Par.?

tato viṣam pra vāvṛte parācīr anu saṃvataḥ // (15.2) Par.?

kuṣumbhakas tad abravīd gireḥ pravartamānakaḥ / (16.1) Par.?

vṛścikasyārasaṃ viṣam arasaṃ vṛścika te viṣam // (16.2) Par.?