Texts

ajātaśatrum ajarā svarvaty anu svadhāmitā dasmam īyate / (1.1) Par.?

sunotana pacata brahmavāhase puruṣṭutāya prataraṃ dadhātana // (1.2) Par.?

ā yaḥ somena jaṭharam apipratāmandata maghavā madhvo andhasaḥ / (2.1) Par.?

yad īm mṛgāya hantave mahāvadhaḥ sahasrabhṛṣṭim uśanā vadhaṃ yamat // (2.2) Par.?

yo asmai ghraṃsa uta vā ya ūdhani somaṃ sunoti bhavati dyumāṁ aha / (3.1) Par.?

apāpa śakras tatanuṣṭim ūhati tanūśubhram maghavā yaḥ kavāsakhaḥ // (3.2) Par.?

yasyāvadhīt pitaraṃ yasya mātaraṃ yasya śakro bhrātaraṃ nāta īṣate / (4.1) Par.?

vetīd v asya prayatā yataṅkaro na kilbiṣād īṣate vasva ākaraḥ // (4.2) Par.?

na pañcabhir daśabhir vaṣṭy ārabhaṃ nāsunvatā sacate puṣyatā cana / (5.1) Par.?

jināti ved amuyā hanti vā dhunir ā devayum bhajati gomati vraje // (5.2) Par.?

vitvakṣaṇaḥ samṛtau cakramāsajo 'sunvato viṣuṇaḥ sunvato vṛdhaḥ / (6.1) Par.?

indro viśvasya damitā vibhīṣaṇo yathāvaśaṃ nayati dāsam āryaḥ // (6.2) Par.?

sam īm paṇer ajati bhojanam muṣe vi dāśuṣe bhajati sūnaraṃ vasu / (7.1) Par.?

durge cana dhriyate viśva ā puru jano yo asya taviṣīm acukrudhat // (7.2) Par.?

saṃ yaj janau sudhanau viśvaśardhasāv aved indro maghavā goṣu śubhriṣu / (8.1) Par.?

yujaṃ hy anyam akṛta pravepany ud īṃ gavyaṃ sṛjate satvabhir dhuniḥ // (8.2) Par.?

sahasrasām āgniveśiṃ gṛṇīṣe śatrim agna upamāṃ ketum aryaḥ / (9.1) Par.?

tasmā āpaḥ saṃyataḥ pīpayanta tasmin kṣatram amavat tveṣam astu // (9.2) Par.?