Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 10746
- Click on a sentence to show its analysis
- Keep the mouse pointer over a lemma to show its meanings.
yajñā yajñā vo agnaye girā girā ca dakṣase / (1.1) Par.?
pra pra vayam amṛtaṃ jātavedasam priyam mitraṃ na śaṃsiṣam // (1.2) Par.?
ūrjo napātaṃ sa hināyam asmayur dāśema havyadātaye / (2.1) Par.?
bhuvad vājeṣv avitā bhuvad vṛdha uta trātā tanūnām // (2.2) Par.?
vṛṣā hy agne ajaro mahān vibhāsy arciṣā / (3.1) Par.?
ajasreṇa śociṣā śośucacchuce sudītibhiḥ su dīdihi // (3.2) Par.?
maho devān yajasi yakṣy ānuṣak tava kratvota daṃsanā / (4.1) Par.?
arvācaḥ sīṃ kṛṇuhy agne 'vase rāsva vājota vaṃsva // (4.2) Par.?
yam āpo adrayo vanā garbham ṛtasya piprati / (5.1) Par.?
sahasā yo mathito jāyate nṛbhiḥ pṛthivyā adhi sānavi // (5.2) Par.?
ā yaḥ paprau bhānunā rodasī ubhe dhūmena dhāvate divi / (6.1) Par.?
tiras tamo dadṛśa ūrmyāsv ā śyāvāsv aruṣo vṛṣā śyāvā aruṣo vṛṣā // (6.2) Par.?
bṛhadbhir agne arcibhiḥ śukreṇa deva śociṣā / (7.1) Par.?
bharadvāje samidhāno yaviṣṭhya revan naḥ śukra dīdihi dyumat pāvaka dīdihi // (7.2) Par.?
viśvāsāṃ gṛhapatir viśām asi tvam agne mānuṣīṇām / (8.1) Par.?
śatam pūrbhir yaviṣṭha pāhy aṃhasaḥ sameddhāraṃ śataṃ himā stotṛbhyo ye ca dadati // (8.2) Par.?
tvaṃ naś citra ūtyā vaso rādhāṃsi codaya / (9.1) Par.?
asya rāyas tvam agne rathīr asi vidā gādhaṃ tuce tu naḥ // (9.2) Par.?
parṣi tokaṃ tanayam partṛbhiṣ ṭvam adabdhair aprayutvabhiḥ / (10.1) Par.?
agne heᄆāṃsi daivyā yuyodhi no 'devāni hvarāṃsi ca // (10.2) Par.?
ā sakhāyaḥ sabardughāṃ dhenum ajadhvam upa navyasā vacaḥ / (11.1) Par.?
sṛjadhvam anapasphurām // (11.2) Par.?
yā śardhāya mārutāya svabhānave śravo 'mṛtyu dhukṣata / (12.1) Par.?
yā mṛᄆīke marutāṃ turāṇāṃ yā sumnair evayāvarī // (12.2) Par.?
bharadvājāyāva dhukṣata dvitā / (13.1) Par.?
dhenuṃ ca viśvadohasam iṣaṃ ca viśvabhojasam // (13.2) Par.?
Pūṣan
taṃ va indraṃ na sukratuṃ varuṇam iva māyinam / (14.1) Par.?
aryamaṇaṃ na mandraṃ sṛprabhojasaṃ viṣṇuṃ na stuṣa ādiśe // (14.2) Par.?
tveṣaṃ śardho na mārutaṃ tuviṣvaṇy anarvāṇam pūṣaṇaṃ saṃ yathā śatā / (15.1) Par.?
saṃ sahasrā kāriṣac carṣaṇibhya āṃ āvir gūᄆhā vasū karat suvedā no vasū karat // (15.2) Par.?
ā mā pūṣann upa drava śaṃsiṣaṃ nu te apikarṇa āghṛṇe / (16.1) Par.?
aghā aryo arātayaḥ // (16.2) Par.?
mā kākambīram ud vṛho vanaspatim aśastīr vi hi nīnaśaḥ / (17.1) Par.?
mota sūro aha evā cana grīvā ādadhate veḥ // (17.2) Par.?
dṛter iva te 'vṛkam astu sakhyam / (18.1) Par.?
acchidrasya dadhanvataḥ supūrṇasya dadhanvataḥ // (18.2) Par.?
paro hi martyair asi samo devair uta śriyā / (19.1) Par.?
abhi khyaḥ pūṣan pṛtanāsu nas tvam avā nūnaṃ yathā purā // (19.2) Par.?
vāmī vāmasya dhūtayaḥ praṇītir astu sūnṛtā / (20.1) Par.?
devasya vā maruto martyasya vejānasya prayajyavaḥ // (20.2) Par.?
sadyaś cid yasya carkṛtiḥ pari dyāṃ devo naiti sūryaḥ / (21.1) Par.?
tveṣaṃ śavo dadhire nāma yajñiyam maruto vṛtrahaṃ śavo jyeṣṭhaṃ vṛtrahaṃ śavaḥ // (21.2) Par.?
sakṛddha dyaur ajāyata sakṛd bhūmir ajāyata / (22.1) Par.?
pṛśnyā dugdhaṃ sakṛt payas tad anyo nānu jāyate // (22.2) Par.?
Duration=0.074234962463379 secs.