Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Soma
Show parallels Show headlines
Use dependency labeler
Chapter id: 11070
- Click on a sentence to show its analysis
- Keep the mouse pointer over a lemma to show its meanings.
indrāya soma suṣutaḥ pari sravāpāmīvā bhavatu rakṣasā saha / (1.1) Par.?
mā te rasasya matsata dvayāvino draviṇasvanta iha santv indavaḥ // (1.2) Par.?
asmān samarye pavamāna codaya dakṣo devānām asi hi priyo madaḥ / (2.1) Par.?
jahi śatrūṃr abhy ā bhandanāyataḥ pibendra somam ava no mṛdho jahi // (2.2) Par.?
adabdha indo pavase madintama ātmendrasya bhavasi dhāsir uttamaḥ / (3.1) Par.?
abhi svaranti bahavo manīṣiṇo rājānam asya bhuvanasya niṃsate // (3.2) Par.?
sahasraṇīthaḥ śatadhāro adbhuta indrāyenduḥ pavate kāmyam madhu / (4.1) Par.?
jayan kṣetram abhy arṣā jayann apa uruṃ no gātuṃ kṛṇu soma mīḍhvaḥ // (4.2) Par.?
kanikradat kalaśe gobhir ajyase vy avyayaṃ samayā vāram arṣasi / (5.1) Par.?
marmṛjyamāno atyo na sānasir indrasya soma jaṭhare sam akṣaraḥ // (5.2) Par.?
svāduḥ pavasva divyāya janmane svādur indrāya suhavītunāmne / (6.1) Par.?
svādur mitrāya varuṇāya vāyave bṛhaspataye madhumāṁ adābhyaḥ // (6.2) Par.?
atyam mṛjanti kalaśe daśa kṣipaḥ pra viprāṇām matayo vāca īrate / (7.1) Par.?
pavamānā abhy arṣanti suṣṭutim endraṃ viśanti madirāsa indavaḥ // (7.2) Par.?
pavamāno abhy arṣā suvīryam urvīṃ gavyūtim mahi śarma saprathaḥ / (8.1) Par.?
mākir no asya pariṣūtir īśatendo jayema tvayā dhanaṃ dhanam // (8.2) Par.?
adhi dyām asthād vṛṣabho vicakṣaṇo 'rūrucad vi divo rocanā kaviḥ / (9.1) Par.?
rājā pavitram aty eti roruvad divaḥ pīyūṣaṃ duhate nṛcakṣasaḥ // (9.2) Par.?
divo nāke madhujihvā asaścato venā duhanty ukṣaṇaṃ giriṣṭhām / (10.1) Par.?
apsu drapsaṃ vāvṛdhānaṃ samudra ā sindhor ūrmā madhumantam pavitra ā // (10.2) Par.?
nāke suparṇam upapaptivāṃsaṃ giro venānām akṛpanta pūrvīḥ / (11.1) Par.?
śiśuṃ rihanti matayaḥ panipnataṃ hiraṇyayaṃ śakunaṃ kṣāmaṇi sthām // (11.2) Par.?
ūrdhvo gandharvo adhi nāke asthād viśvā rūpā praticakṣāṇo asya / (12.1) Par.?
bhānuḥ śukreṇa śociṣā vy adyaut prārūrucad rodasī mātarā śuciḥ // (12.2) Par.?
Duration=0.050625085830688 secs.